بسم الله الرحمن الرحيمكل واحده مننا بتحتار…. اعمل شوربه ايه مع الاسماك…. اعمل ازاى شوربه السى فوود …انا بعمل شوربه السى فوود وبتكون تقيله على المعده
وكمان فيه فتوكات مش بيحبو كريمه الطبخ فى اكلهم او بتكون مش على قد جيبهم
انهارده يا فتووووكات جايبلكم طريقه جديده وخفيفه ومختلفه لعمل شوربه الكابوريا او السى فووود بدووون كريمه طبخ
على فكره موفره جدآآآآآ ….اما انا فعن نفسى بستخدم الطريقه دى عشان بتبقى خفيفه جدآيالا يا فتوكات نبتدىالمقاديــــــر:
1ك كابوريا وتكون مغسوله كويس وتفضل النوع الانثى منها لأنها بتكون فيها لحم كتير
بصل مبشور- كمون
مستكه
حبهان
ورق لورا
(ثوم – ملح – كمون- فلفل اخضر- شطه حسب الرغبه )مفرومين فرم ناعما
او مدقوق
8/1 ك زبده صفراء
2ك لبن مغلى سابقآ
الطريــــقه:
نحط البصل المبشور والكمون والمستكه والحبهان وورق اللورا والكابوريا ونقلبهاعلى نار هاديه ونغطيها كويس
عشان تستوى على البخارلمده نصف ساعه هتلاقى الكابوريا لونها اتغير للون الاحمر
بعد كده نضيف عليها اللبن المغلى ونتركها تغلى لمده دقيتين
وبعدين نجيب طاسه ونحط فيها الزبده والثوم اللى احنا دقينه ونحمرها لما تكون مستكاوى وبعدين ونطشها على الكابوريا زى طشه الملوخيه كده
ونسيبها على النار تغلى لمده دقيقتين وبالهنـــــا والشفــــــا
فكره طريقه التقديـــــــــم:
انا عن نفسى يا قمررررات بحط الكابوريا فى سيرفيس لوحدها وبزوقها وبحط الشوربه لوحدها فى سلطانيات الشوربه
ملحوظه يا فتاتيـــك يا حلويــن:
-على كل كيلو كابوريا 2كيلو لبن وممكن تزودى مقدار اللبن على عدد الافراد
-ممكن تزودى على الكابوريا: الجمبرى – السبيط – لحم الاستاكوزا – السمك الفيليه …….الخ وتبقى شوربه سى فوود طعمه ولذيذه وخفيفه جدآ
وبالهنــــــــــــــا والشفـــــــــــــــا
وادعلووولى ربنا يكرمكم
::
واظرفووونى بقى تقييم ممتاز
مواضيع هذا القسم برعاية
الاموره ريناد الاموره ريناد 608191_9.gif ممنوعة من المشاركة Fatakat 608191 الجيزه – مصر