ازيكو يا فتوكات يا حلوين
دا الميونيز بنفس طريقه ام جني بارك الله فيها عملته وطلع تحفه
ودا الرابط بتاع موضوعها
المايونيز المظبوط احلى منالجاهز كمان
https://fatakat.univanet.com/#206190
تسلم الايادي يا ام جني
وانا هنقلكو الوصفه تااااااااااني
المقادير:
نحط في الخلاط فص توم صغير
ومعلقة خل وسط انا حطيت معلقه كبيره
ورشة ملح
وبيضه نيئه _(ياسلام لو بيضه طازه ) حطيت بيضه وصفار بيضه كمان لانو جمد اوي
نبدأ الضرب على السرعه العاليه مع اضافة الزيت بالتدريج سرسوب رفيع خالص(مقدار الزيت 1 كوب)انا مسك معايا قبل الكبايه متخلص ف استهبلت وحطتها كلها
نستمر في الضرب واضافة الزيت بالراحه حتى يغلظ القوام
وممكن يحفظ في الثلاجه في برطمان مغلق اسبوع
وبالهنا والشفا
اخطاء قد تحدث ومعالجتها
عند المبالغه في الضرب بعد ما القوام يغلظ ممكن يسيل الخليط مره اخرى ويبوظ منك
او ممكن اذا اضفت الزيت بكميات كبيره ممكن الزيت يطفو على الوش وبرضه الوصفه تبوظ
في الحالتين ماتقلقيش ممكن تفضيه في حاجه تانيه وتحطي بيضه في الخلاط وتصبي الخليط القديم عليها بالتدريج مع السرعه العاليه حتى يغلظ القوام
ودي الصور يارب تعجبكو باه وجربو وقوليلي
مواضيع هذا القسم برعاية
*لمار* *لمار* 137118_3.gif فتكات ست الكل Fatakat 137118 كفر الشيخ – مصر