السسسسسسسلام عليكن ورحمه الله وبركاته
بسم الله والحمد لله والصلاه والسلام على سيدنا محمد رسول الله
دى بقا الطريقه
العجينه
………………………….
كيلو دقيق
معلقتين خمير كبيره فوريه
معلقه سكر كبيره
4 معالق زيت زيتون او اى زيت
معلقه ملح كبيره
رشه جوزه الطيب (اختيارى )
مياه للعجن نص كميه الدقيق يعنى نص لتر
علبه زبادى او لبن اختيارى مع تقلبل نسبه المياه
"""""""""""""""""""""""""""""""""""
نحط كل المواد الجافه مع بعض ونقلبها تقليبه
نحط فوقها الزيت ونقلب والزبادى وبعدها نضيف الميه
ونعجنها وفوقها رشه دقيق نلم بيها العجينه ونعجنها دقيقه كدا ونغطيها ونسيبها تخمر حوالى ساعه
"""""""""""""""""""""""
نجيب بقا الجبنه والزيتون والبصل والطماطم
وصلصه من الجاهزه كيسين هيغرقوا الدنيا متتعبيش نفسك
افردى العجينه وحطى فى صنيه زيت معلقه كدا افرديها
لو فى صوانى تيفال مش مهم زيت مش هتلزق
وحطى طبقه الصلصه الحمرا
وفوقها رشه جبنه والخصروات و اى نوع بقا من الحشو تحبيه بسطرمه سوسيس تونه فرخ لحمه مفرومه معصجه اى حاجه او ممكن جبنه بس او خضار بس الى هى (مرجريتا
وتحطيها فى فرن وسط الحراره بتاعته
وتسيبيها عشر دقايق كدا الجبنه هتسيح والعجينه هتنفش وتستوى ومن تحت تكون دهبى كدا فاتح
كدا معناها استوت والسمك على حسب ما بتحبى بس لو متخنه سمكها اعملى حسابك هتنفش اكتر فلازم تخرميها كام مره كدا بالشوكه قبل ما تحطى حاجه فوقها وممكن فى الاخر خالص تحطى رشه جبنه على الوش وده اختيارى لو بتحبى الجبنه زياده
وبكدا تكون خلصت وبالهنا والشفتشى
"""""""""""""""""""""""""""""
دى الجبنه طحنت 125 جرام رومى مع 200 جرام موتزريلا
ليه بحس انى بعرف اوزعها اكتر لما بتكون زى ما هى كدا بتسحب جبنه كتييييير قوووووووى
وكمان بتكون متكتله فى مكان ومكان فاضى ف الى يريحكم اعملوه انا برتاح للطريقه دى
ودى بعد ما بتطحن بتكون بودره بتعمل كميه حلو جداااااااااا
وكمان جايبه شيدر باندا بطحنها مع متزريلا ودى خلطه تانيه ليها طعم مختلف بس جاااامد
انا كنت مصوره العجينه وهى متخمره
وفردها فى الصنيه وعمل الطرف بس الصور دى طارت لو لقيتها هنزلهاا فى المشاركات
ده الخضار ومارجريتا اصلا يعنى بيتزا خضروات
انا حطيت طماطم وزيتون وفلفل والبصل لا عشان بيرموهولى فى الاخر بس ضحطت عليهم وحطيته فى الصلصه اتفرم فيها وكأنى حطيته بالظبط
بحط الجبنه الاول(متزريلا مع رومى )وبعد كدا زيتون وطماطم وفوقها خالص الجبنه الشيدر مع الموتزريلا الى كنت خلطهم فى الكبه هى بتمسك فى بعضها بتبقا كتله كدا فبفتفت منها واحط على الوش
دى الجبنه
بس وبعد كدا ندخلها الفرن وطبعا الاضافات زى ما تحبى ضيفى االطعم الى بتحبيه انتى ده الاساس وانتى ابنى عليه
فى نقطه كمان لما تفردى العجينه عشان تطلع معاكى بطروف كدا زى ما هوريكى فى الشكل النهائى
بتعمليلها طرف فى الصنيه واعملى حسابك ميكونش كبير زى ما فى الصوره لسه بيخمر وبينفش فى الفرن عشان بس متكونش سميكه قووى
ونقطه كمان لو العجينه مكفتش الصنيه وحطيتى حته صغيره واكتشفتى كدا وانتى بتفردى
متجبيش عجينه تانيه وتلزقى المكان الفاضى فى الطرف لا
جيبى العجينه وحطيها فى النص الى فردتيه وبططيها بايدك تانى هتفرد لوحدها دايره
انا بحب اعملها بايدى مش بستخدم مردانه (نشابه)
زى الصوره كدا
الشكل النهائى بقا فى المشاركه
واتمنى تراعوا تعبى وخصوصا حته رفع الصور دى وتقيمو وترفعو الموضوع بدعووه حلوه
وجزاكن الله خيرا
احبكن فى الله 
مواضيع هذا القسم برعاية
قلبى لك ربى (هدير) قلبى لك ربى (هدير) 1195940_5.gif فتكات هايلة Fatakat 1195940 القاهره – مصر