بســـــــــــــــــم الله الرحمــــــــــــــــــــــــــــــن الرحيــــــــــــــــــــــــــــــــــم
السلام عليكم حبيباتى
اولا وقبل اى شئ انا بعتذر عن التاخير بس ظروف والله خارجة عن ارادتى هى اللى خلتنى اتاخر بعد لما نزلت صورة الموضوع
انا طالبة بس تدعولى اهم من اى شئ
موضوعنا النهارده عن الفطير التركى واليغمش الحجازى هو اليغمش ده قريب من الحوواشى الاسكندارنى بس عجينته مختلفة وطعمه كمان مختلف
دى صورة مجمعة ليهم
ونبدا مع بعض ونقول بســــــــــــــــم الله
الفطير التركــــــــــى
مقاديرة عبارة عن
معلقة خميرة كبيرة متدوبة فى مياه دافيه و معلقة سكر كبيرة
تلت كوب زبدة سايحة بس مش سخنة
3 كوب دقيق
بنضيف المكونات الجافة مع بعض و نضيف الخميرة وفى الاخر الزبدة و نعجنهم كويس
ونتركها تتخمر
على ماتتخمر العجينة نحضر الحشو
فى طاسة نسخن معلقة سمنه و نضيف فص توم مفروم
نضيف قطع دجاج مقطعة مكعبات ورشة من الباربيكا و وزعتر وفلفل اسمر
لما تبدا تنزل مياتها و تتدخل فى السوا نضيف ليها بصل شرايح و جزر مبشور
و ممكن فى الاخر قبل مانطفى نضيف فلفل الوان ونقلبه تقلبتين و نطفى
وممكن نعمل ليها فحمة وندخن الحشو هتبقى لذيذة جدا
لما العجينة اختمرت قسمتها نصفين
و فردت نصف فى الصينية و دهنته كاتشب او ممكن صلصة بيتزا
ووضعت الحشو ومعاها زيتون اسمر
واضيفت الجبنة
وفردت الجزء التانى من العجينة وغطيت بيه الفطيرة و فتحته من المنتصف
ودهنت الوجهه بيبضة مع عصرة ليمون
و زوت على الوش جبنة و حبة البركة و سمسم
وخبزتها فى فرن سخن على 200 فى الرف الوسط وشغال من تحت فقط الى تمام النضح و بعد كده فتحت الشوايه 5 دقايق او اقل
وتقدم
وده شكلها لما اتقطعت
مواضيع هذا القسم برعاية
nonosmontaser nonosmontaser 97277_16.gif هونها يااااااااااااارب 🙂 Fatakat 97277 🙂 – بلاد الله الواسعة