بسم الله الرحمن الرحيم
و الصلاة و السلام علي اشرف المرسلين
السلام عليكن و رحمة الله و بركاته
اليوم موعدنا مع
فكرة جميلة و سريعة و شيك و مغذية
و ممكن كمان نقول دايت
لعشا او فطار خفيف و ظريف
او ممكن نقول البديل الدايت لعشاق البيتزا امثالي
هههههههههههههههههه
اه مهو لازم ارغي الاول شوية
نبدأ بصورة تجويعيه مقرمشة
و محبشة
اتفضلوا
صح الكلام عشان تقدروا تسمعوني باهتمام
ههههههههههههههههه
و الله بحبكم في الله
نصلي علي الحبيب عشان قلبنا يطيب و
و كمان عشان يصلي علينا الحبيب 10
شوفتوا الكرم
المقادير
1- عدد ارغفة عيش بلدي او شامي
غير كامل النضج
ايوا تمام زي رغيف الحووشي
2- سمن فلاحي و لو عاملة دايت زيت زيتون
3- بيضة لكل رغيف + فلفل اسود و ملح خفيف
4- جبن كرافت او مثلثات
5- جبن شيدر و ممكن لايت لو عاملة دايت
6- للتزيين فلفل اخضر و طماطم و زيتون اسود او اخضر
الطريقة
اولا
و لو حابة تعرفي تعمليه في البيت الرابط اهو يا سكر
و ممكن كمان تعمليه فوق البوتجاز
في طاسة تيفال قاعها سميك
تجربة مراميرو مع العيش السن بالتفصيل و الصور
و ده كمان العيش الشامي
طريقة عمل العيش الشامي
2- هيتم عمل جدار للرغيف باصابعنا بأن نمسك آخر سم من قطر الرغيف و نجذبهم علي بعض زي كده
و طبعا دي ايد عمور ابني عشان عيب ايدي تبان
ههههههههههههه امر الادارة العليا يا فندم
الجدار ده ليه عشان البيض ما يقعش
3- هنعمل بايدنا ضغطات و ده ليه عشان البيض يركز و مش يزحلق
4- ندهن دهنة سمن فلاحي
5- نرب البيض مع الملح و الفلفل
و ننزل بيه علي الرغيف و تحت الشواية تقريبا 3 دقايق
6- ندهن دهنة كرافت او مثلثات المتوفر
7- نضيف الجبن الشيدر الشرئح
و نزينه علي شكل happy face
ندلع الولاد بقي
يا دوب الجبن يسيح
و ماتطولوش احسن انا طولت شوية
الراجل طلع له شامه
فوق بقه في الناحية الشمال
و بعدين احنا عاوزين بشرة الوش صافيه مش فيها نمش هههههههههههههههههههه
8- نقطعه و ناكله و هو سخن و بيلسع و مقرمش
عشان حلوته تبان
هم هم
و بالف صحة و هنا
ملحوظة :
ممكن تكسلي و تقولي يعني انا هعمل كل يوم العيش ده
و تستتقلي العملية
هقولك اعملي كمية و وصليها لحد اول مرحلة اللي بنعمل فيها الجدار
و علي الفريزر يا سكر
بس ابقي حطي طبقات بلاستيك بين الارغفة
و ابقي طلعيها وقت الحاجة
و في الختام
و في الختام اتمني انه الموضوع يعجبك
و متتعبيش نفسك مش مهم تقييم و لا حتي رد
ادعي لي بس بقلب صادق
ان ربنا يكتب لي زيارة بيته الحرام مرارا و تكرار مادمت حية
و ان يربي لي ابنائي و ان يبارك لي في زوجي و يجمعني معه بالفردوس الاعلي
و تأكدي انه ان شاء الله سيرد عليكي الملك و لكي بمثل
و السلام عليكن و رحمة الله و بركاته
احبكن في الله
احبكن جميعا في الله
مواضيع هذا القسم برعاية
مراميرو المصرية مراميرو المصرية 2370_11.gif فتكات ست الكل Fatakat 2370 قلب حبيبي و روحي – منصورية و افتخر