السلام عليكم ورحمته الله وبركاته
النهارده جايه ومعايه اكله جامده جداا
من احلى الاكلات الى ممكن تكليها وممكن كمان تبهرى بيها ضيوفك وهتبقى مميزه جدااااا
نزلت طريقتها قبل كده بس مكنتش بالصور النهارده جيباها بالصور الكتيييير قوووى
كتير منكم عارف ان المكرونه النجرسكوا بتتعمل بالفراخ
بس الطريقه المنتشره انها بتتعمل زى المكرونه البشامل بس بدل اللحمه فراخ
وده خطاء شنيع فى حق البشريه
لانها لاتمت للمكرونه البشامل بصله وده اجرام فى حق الاكله دى
وهتكتشفى ده بنفسك لما تعمليها بالطريقه الصح
ندخل بقى على التفاصيل ركزى معايا بقى كده وفتحى مخك وروحى اعملى كبايه نسكافيه الاول وتعالى
المقادير
راس توم (حوالى 10 فصوص كبار)
نصف كيلوا مكرونه اسباجتى وياريت نوع نضيف مثلا (روجينا)
نصف فراخ بانيه (مقطعه مكعبات وسط)
بشامل (حوالى 5 معالق دقيق كبار مليانين )
بهارات اساسيه (ملح – معلقه صغيره فلفل اسمر – معلقه صغيره كمون – معلقه كارى -2 معلقه كبيره كركم)
بهارا ت اخياريه ودى لو مش موجوده مش مشكله بس بتخلى اكلك مميز وليكى تكاتك الخاصه
(معلقه صغيره جنزبيل – معلقه صغيره روز مارى _ 4 وررقات لورى)
تمن زتون مخلى
ربع جبنه تركى مبشور
5 حبات طماطم وسط
5 حبات فلفل رومى وسط
الطريقه بقى
فى طبق او كروانه هنخلط الاتى بعيد عن النار
طماطم المكعبات + الفلفل المقطع + الزتون المخلى +الفراخ المقطعه
هنجيب حله حجمها كبير شويه لان شغلنا كله هيكون فيها
هنحط فيها معلقه ذبده ونحط التوم المقطع فيها ياخد لون ذهبى ذى كده
فاكرين الحجات الى خلطناها على جنب
هنحطها على التوم بقى
وادى شكلها فى الحله
دلوقتى هنضيف كل البهرات بتاعتنا معادا الكركم والكارى ولو هتحطى ورق لورى عدى الورقات علشان تشيليهم قبل ما تحطى البشامل متنسيش علشان مش يدايقوا فى الاكل
هنا ضفت البهارات وقلبتها
هتغطى بقى الحله وتهدى النار خالص لحد ما الفراخ تنزل ميتها وتغلى غلوتين كده
اوعى اوعى ثم اوعى الميه بتاعتها تنشف لان احنا عاوزين الصوص بتاعها يفضل بحاله
زى كده شايفين الصوص عامل ازاى
هطفى بقى النار وتبدى تضيفى الكركم والكارى خلى بالك كده لازم تشيلى الحله من على النار وتكملى بعيد خلاص ضفنا الكركم والكارى ده كده
هنضيف الجبنه التركى وهنشيل شويه على جنب هنحطهم فوق الوش
هنا انا بحب افرم جبنه تركى مع الموتزرلا واشيلهم جاهزين فى الفريز وبستخدمهوم فى حجات كتير
ادى الجبنه اهى
هنا حطنها فى الحله وسبت منها شويه للوش
البشاميل بتعمليه وسط ولا خفيف ولا تقيل شوفى سمكه كده يارب يكون واضح
هنضيفه على الفراخ وبرده هنسب شويه حلوين للوش
وبعدين هنضيف المكرونه
خلى بالك احنا بنضيف كل الحجات دى فى الحله بعيد عن النار اوك
هننقالها بقى فى الصنيه الى هندخلها الفرن
هنا لما ضفنى على الوش باقى البشامل والجبنه فاكرين الى كنا شايلنهم على جنب
وهنا وهى فى الفرن شايفين المكونات ابتدت تتخلط وتغلى مع بعض ازاى
هتاخد منك بالضبط ساعه الا ربع
الربع ساعه الاخيره هنفتح عليها الشوايه والفرن برده شغال مطفهوش
خلى بالك هى مش بتنشف زى البشامل لا بتبقى سايبه شويه صغيرين زى ما هنشوف
يعنى مش هتتقطع خرط
يتبع……….
مواضيع هذا القسم برعاية
الروميصاء 2 الروميصاء 2 images/avatars/moon.jpg فتكات هايلة Fatakat 482551 الاسكندريه – مصر