انا بقي بما اني حااامل وتعبانه ومباكلش تقريبا من اول الحمل
ومبقاش ليا في الطبيخ ولا اللحمه ولا الفراخ
مع اني في الخاااااامس بس اعمل ايه بقي ربنا يكملهاعلي خير
وبما اني بعشق البيتزا انا وجوزي
والحمد لله بعملها حلوة بشهادة الجمييييييييييييع
فقولت لجوزي عايزة اكل بيتزا عشاق الجبنة
قاللي خلاص هجيبها جاهزة عشان مش هتعرفي تعمليها
فأنا عملت كده اهووووووو
وأخدتني الحمااسه
وقولتله لا طبعاااااااا اعرف اعملها
ودخلت بدأت المعركة وادي صورة للتشويييييييييق
عملت العجينة
المقادير
نذوب باكو خميره فوريه جافه او معلقه واحده خميره بيره في ربع كوباية ميه دافيه (لا هي سخنه تموت الخميره ولا هي بارده توقف عملها لما تحطي فيها صبعك تكون دافيه وفي نفس الوقت تتحملي حرارتها)
ونضيف لها معلقة سكر ونتركهم في مكان دافي لحد لما ترتفع وتعمل رغاوي وده دليل ان الخميره فعاله
4 كوب دقيق – معلقه كبيره بكنج بودر – معلقه صغيره ملح … يتخلطوا مع بعض في طبق كبير
نعمل حفره في نص الدقيق ونضيف الخميره المذابه ومعلقتين كبار زيت زيتون (ربع كوبايه)
ونبدأ نعجن العجينه باضافة كوباية ل كوباية ونصف حليب دافي حسب نوع الدقيق اوخليط من الحليب والماء
ننقل العجينه على الترابيزه ونعجنها كويس بالضغط عليها وتجميعها مره تانيه وهكذا وهي بتبقى بتلزق في الايد في الاول بس مع استمرار العجن هتبدأ تلم
وممكن ترشي رشات خفيفه دقيق اثناء العجن لحد لما تحصلي على عجينه مطاطيه ممكن فردها
نحطها في طبق نضيف ونغطيها بفوطة من ساعة لساعتين
لغاية ماتخمر
وهي بتخمر نعمل الصلصة
معلقة صغيره ثوم مفروم تتحمر مع معلقتين زيت ذرة بدون ما يتحرق الثوم ولا يتغير لونه ونضيف عليها 3 معالق صلصه ونتركها على نار هادية دقيقة
و نضيف ملح ونقطتين خل ورشة سكر وزعتر
نفردها بسمك متوسط لا هي رفيعه ولا تخينه
وننقلها على الصينيه تكون مدهونه زيت ونبدأ نفرد في الاول الصلصه
وبعدين نجيب مقادير الحشوة بقي
السررررررررررر جبنة ريكفورد او بلو تشيز
18 كيلو ونبشرها
و18 رومي ونبشره
و3 معالق جبنة تشيدر كوبايات
والموتزاريلا
نحط الصلصة ع العجينة وبعدين الجبنة الشيدر
وفوقيها كل الجبن المبشورة
معلش مصورتش الخطوات مكنتش اعرف انها هتطلع حلوة
وتدخل الفرن ربع ساعة علي 160
وبألف هنا
وادي الصور للتشوويق
بصوا الجبنة سايحة وشكلها يجنن ازاااااي
وده اول طبق للفتوكة اللي هتقيم لأني نفسي موضووووعي يتثبت مرة
بحبكم
مواضيع هذا القسم برعاية
نانا221285 نانا221285 420261_4.gif فتكات ست الكل Fatakat 420261 التجمع الاول – مصر