بعد التحيه انا احب اخص بالشكر الفتوكه حتة سكره لان انا واخده الفكره منها بس انا شايله حاجات ومزوده حاجات نظرا لان فى حاجات
مش متوفره وحاجات مش بحب استخدمها……و جزاها الله خيرا وان شاء الله تتحقق كل اللى تتمناه
ودى صوره للمنتج بتاعى
نبدأ باسم الله
اولا المقادير
2كوب دقيق
ملعقه صلصله جاهزه
3ملاعق سمنه
نصف ملعقة ملح
ملعقه صغيره سكر
جبنه رومى مقطعه صغير او مبشوره
طبق فيه بيضه وملعقة لبن مخفوقين
كمون صحيح او مفروم
ميا دافيه للعجن
الطريقه
نخلط الدقيق مع الملح والسكر وبعدين نحط شوية جبنه رومى مش كتير عشان متبقاش حادقه ونحط السمنه والصلصه
ونفركهم جيدا حتى التجانس والامتزاج جيدا حلو اللغه العربيه دى
وغالبا هنحتاج دقيق كمان ونحط الميا واحده واحده لحد ما العجينه تتلم معانا وايدينا تبقى نضيفه ونسيب العجينه ترتاح
نصف ساعه ودى صوره
وبعدين نكورها ونرش عى الرخامه شوية دقيق ونفردها بايدينا مش محتاجه نشابه وتبقى بالشكل دا ونقطعها
بالقطاعه بالشكل دا
وندهن الصينيه زيت بالفرشه ونرصهم وندهن الوش بالفرشه برده البيض واللبن ونحط الكمون والجبنه الرومى
وندخلها الفرن وناخد بالنا كويس لانها بتستوي على طول وانا كمان بسويها من تحت ومن وفوق عشان تتحمر
ودى قبل ما تدخل الفرن
ودا الشكل النهائي للمخبوزات
ياريت لو عجبكم الموضوع الدعوه الحلوه والتقييم لرفع الروح المعنويه مواضيع هذا القسم برعاية
mero_sh mero_sh 326490_4.gif فتكات غالية قوي Fatakat 326490 الدقهليه – القاهره