بسم الله الرحمن الرحيم
السلام عليكم ورحمه الله وبركاته
ازيكم يا بنات يارب تكونوا بخير
النهارده جايبالكم طريقه المكرونه بصوص الفريدو
وميزه الاكله دي انها سريعه جدا في نص ساعه تكوني خلصتي وجبه متكامله وكله في طبق واحد
المقادير:
كيس مكرونه اسباجتي(او اي نوع مكرونه تحبيه)
بصله صغيره مقطعه رفيع
3 فصوص توم مفرومين
فلفل الوان (اختياري)
مشروم
فراخ بانيه مقطعه مكعبات صغيره
كوب كريمه لباني
مكعب مرقه
ملح وفلفل ومعلقه زبده
الطريقه:
في حله هنضع معلقه زبده صغيره ولما تسخن هنضع صدور الفراخ المقطعه ونقلب لحد ما يتغير لونها
نضيف البصله المقطعه والفلفل الالوان ونشوحهم
وبعدين نضيف المشروم والتوم المفروم ونشوحهم
هنضيف مكعب المرقه وحوالي كوب ميه(او شوربه )
ونسيبهم شويه يغلوا
نضيف الكريمه اللباني ولو عندك جبنه بريزيدون الكاسات ضيفي معلقه بتدي طعم حلو وضيفي الملح والفلفل
وسيبيهم يغلوا
في نفس الوقت هنكون سلقنا المكرونه في ميه مغليه عليها شويه ملح وزيت بس نسلقها 4/3 سوي
ونصفيها ونحطها علي الصوص اللي بيغلي
ونسيبهم 3 دقايق ونقدمها
والصور هتوضح ان شاء الله
يارب تعجبكم وتجربوها مواضيع هذا القسم برعاية
حته سكره 80 حته سكره 80 286735_1.gif سوبر فتكات Fatakat 286735 مع جوزى حبيبي – مصر