السلام عليكم و رحمة الله و بركاته
لأول مرة أعمل الباتيه بالجبنة و ينجح فقلت لازم فتوكاتي الفتاتيك يشاركوني هذا النجاح الساحق
بصي يا فتوكة انت وهي المعيار عايرته بالمج ده و المعلقة ده معلقة أكل مش معلقة شاي
مقادير العجينة هي:
عدد 3 كوبايات دقيق
نص كوباية زيت
عدد 2 معلقة خميرة
عدد 2 معلقة جبنة شيدر كريمة اللي هي زي بريزيدون برطمانات
عدد 1 معلقة سكر
عدد 1 معلقة ملح
و برده حطيت في العجينة حبة البركة
ده مقادير معيار واحد لو عايزة تزودي هيبقى 6 دقيق و كباية زيت و 4 خميرة يعني تضاعفي كل حاجة
تحطي كل المقادير ده على بعض و طبعاً تعجني بميه دافية و تحطي العجينة في كيس و تغطي الكيس بفوطة و تحطيها في الفرن علشان يبقى الجو حر قوي و تخمر معاكي بسرعة
تبدئي بقى تقرصي العجينة حتت صغيرة و انا استخدمت قالب جميل قوي خلى كل الباتيه مقاس واحد و شكل واحد
على الوش بدهن بيض و بحط حبة البركة
و ده كانت النتيجة يا رب يعجبكم
مواضيع هذا القسم برعاية
يوسف حبيب أمه يا ناس يوسف حبيب أمه يا ناس 136004_1.gif فتكات هايلة Fatakat 136004 الرياض – المملكة العربية السعودية