السلام عليكم
ردوا السلاااااااااااااااااااااااام
ازيكوا يا فتوكاتى الحلوات
مكنش عندى فطار وزهقت من الاكل
وكثرة الفرجة ع قناة فتافيت
اعتقد عوامل هامة للى حصل النهاردة
معلش عندى امتحان بكرة ولو انى بدرس انجليزى
ما علينااااااااااااااااااااااا
ندخل فى الموضوع
عملت ايه بقااااااااااااااااااا
المقادير يعنى
جبت 3 بطاطس وسط
وسلقتهم
وشوية جبنة رومى
وبقدونس او كسبرة
وشوية زبده
وبيضة
————————————
وضربت البيضة بالفلفل الاسمر والملح
وقشرت البطاطس وهرستها مع شطة حمرا وفلفل وكمون كتير شوية وملح
ورشة بقدونس مفروم حلو
ورشة جبنة رومى مش كتير
وحتة زبدة ونقطتين زيت
وهرستهم كويسسسسسسسسسسسس
وجبت صنية صغنوننننننننننننننننننننننننة
ودهنتها زيت
وقسمت البطاطس جزئين
وفردت النص فى الصنية
وشوية الجبنة الرومى فوقها
وبعدين نص البطاطس التانى
وعلى الوش دهنتها بالبيض(مش البيضة كلها)
وحتة زبدة على الوش
وكنت مسخنة الفرن من بداية الشغل
ولحد متتحمر شوية
تجننننننن
وبجد حلوة اوى للسندوتشات وتجديد
عاوزاكوا بس تدعولى
ربنا ينجحنى فى الامتحانات
عندى امتحان بكرة ربنا يستر
وده ملوش علاقة خاااااااالص انى بفنن وقت الامتحانات
احبكم فى الله
السلام عليكم
اللهم بلغنا رمضان ووفقنا فى طاعتك
مواضيع هذا القسم برعاية
لولو بلبل لولو بلبل 79675_3.gif فتكات ست الكل Fatakat 79675 دمنهور – مصر