أزيكم يا فتوكات يا قمرات
وحشتوني خالص بقالي مدة مانزلتش وصفات
والنهاردة معايا ليكم وصفةجديدة للبيتزا وبعجينة مختلفة عن اللي عملتها قبل كدة
ومش عايزة اقولكم علي طعامتها بجد يا بنات زي المطاعم المشهورة ويمكن احسن كمان
وهتجربوها وهتحكموا بنفسكم
يلا بينا نشوف المقادير والطريقة بتاعتها
بسم الله نبدأ
المقادير
4 كوب دقيق
معلقة ونصف كبيرة خميرة بودر
معلقة صغيرة بيكنج بودر
رشة ملح
زعتر وريحان مجفف
بيضة
معلقة سكر كبيرة
كوباية زبادي تكوني مطلعاها من الثلاجة قبلها بشوية
كوباية لبن حليب دافي
فنجان زيت زيتون (زيت الزيتون بيدي العجينة طراوة وطعم جميل جدا)
الطريقة
أول حاجة يا قمرات هننخل الدقيق ومعاه البيكنج بودر
ونضيف عليه كل المكونات الجافة
وبعدين نضيف البيضة ومعاها رشة فلفل اسمر ونعجن كويس لحد ما تختلط بالدقيق بالشكل دة
وبعدين يا قمرات نضيف كوباية الزبادي ونعجن كويس
ونضيف اللين الحليب بالتدريج ومش شرط كل الكوباية
حسب الدقيق ولحد ما توصلي للعجينة المناسبة
بحيث انها ما تلزقش في ايديك يعين انا استخدمت كوباية الا ربع
وطبعا كل ما تعجني اكتر كل ما هتحصلي علي عجينة احلي بكتير
وفي الاخر خالص هنضيف الزيت
ودة شكلها
ونغطيها ونسيبها حوالي ساعة تختمر
ودة شكلها بعد التخمر
انا بحب بعد ما تختمر اعجنها تاني قبل ما افردها في الصنية
المهم يا قمرات هنبتدي نجهز الحشوة بتاعتنا حسب رغبتك
انا بحط سوسيس بقري لاني بحبه اوي
ممكن تعملي بداله لحمة مفرومة
لانشون بسطرمة تونة فراخ سلامي بقري او حتي منغير لحوم
ونجهز طماطم وفلفل اخضر وبصل متقطعين صغير
ومشروم
وزيتون
وجبنة رومي
وجبنة موتزاريلا
وماننساش الصلصة
انا بحب اعملها منغير ما احط طماطم ولا احطها علي النار بعملها عبارة عن
معلقة صلصة وفص ثوم مفروم وريحان وزعتر وكمون وملح وشوية مية
بتبقي خفيفة وطعمها حلو اوي
نيجي دلوقت بقي نجهز البيتزا بتاعتنا
هنجيب صنية ونحط فيها شوية زيت بسيط اوي ونبتدي نفرد العجينة
بالشكل دة
وبعدين نرفع الطرف بتاع العجينة علي الحرف بتاع الصنية بالشكل دة
ونجيب سوسيس ومتقطع بالطول وشرايح الجبنة الرومي ونحشي الاطراف
بالشكل دة
وطبعا انت ليكي حرية الاختيار تحطي جبنة بيضاء او مثلثات او موتزاريلا زي ما تحبي
وبعدين نحط السوسيس والجبنة في كل اطراف العجينة ونقفل عليها
بالشكل دة
وندهن العجينة كلها حتي الاطراف بالصلصة لانها بتدي لون حلو اوي للاطراف
هنبتدي نحط الحشو بتاعنا
اول حاجة السوسيس
وبعدين المشروم
وبعدين الخضار بتاعنا
الطماطم والبصل والفلفل والزيتون
وفي الاخر ممكن نحط حتت جبنة رومي بسيط لاننا هنحط في الاخر موتزاريلا
تابعونـــــــــــــــــــــــــــــــــــي
مواضيع هذا القسم برعاية
(Lara) (Lara) 265722_27.gif فتكات غالية قوي Fatakat 265722 الرياض – السعودية