صباح الفل على احلى فتاتيك
بعد نجاح موضوعي اﻻول الحمد لله وتشجيعكم ليا، المكرونة بالخضار في الموضوع ده:
https://fatakat.univanet.com/#4227322
قررت إني أنزل وصفة تانية، مانا أمنيتي أفتح مطعم بصراحة.
يلﻻ خليكو معايا. هي ميزتها انها بسيطة وسهلة جدا وتنفع لﻷزمات
أنا مش جايبة صور كتير عشان ماكنتش ناوية أنزلها، بس هي الطريقة سهلة جداً.
هي الصينية بتكون طبقتين، اﻷولى كفتة، والتانية بطاطس محمرة، ونحط عليهم صوص الطحينة اللي هنعمله.
طريقة الكفتة زي ما تحبيها، انا بحط على اللحمة المفرومة بصل مفروم+ ورق غار وقرنفل مطحون+ ملح وفلفل اسود وكمون وبصل بودر و بابريكا
واعملها صوابع وارصها في صينية مدهونة زيت.
بعدين احط فوقها البطاطس المحمرة.
نجهز الصوص:
علبة زبادي كبيرة
عصير ليمونة
معلقتين خل كبار
رشة ملح
طحينة اد مقدار نص علبة الزبادي
ميه عشان نخفف الصوص
ونضرب في الخﻻط
بعدين نصبه على الصينية
وندخله الفرن لحد ما يستوي
وادي النتيجة
ملحوظة مقدار الصوص ده انا عملته على كيلو كفتة وكيلو بطاطس
وانتي حرة في التزيين ممكن ترشي بقدونس مفروم او ممكن تحطي جبنة على الوش بس مش كتير
لو عجبتكم ما تبخلوش بالتقييم يا حبايبي مواضيع هذا القسم برعاية
لحظة فرح ! لحظة فرح ! 227532_4.gif فتكات رائعة Fatakat 227532 في قلوب أحبابي – بعيد