السلام عليكم
انا اول مره اكتب ف قسم الطبخ عموما بس شجعتونى انزل وصفتى صالقرص الطريه او معرفش ممكن تتسمى ايه
هي على ادي بس يارب تعجبكم
زي م عجبت جوزي
المقادير
3 كوب دقيق
1 كوب زبادي على حليب بس يكون الزبادي اكتر م النص
1 م كبيره خميره انا بستعمل القطع مش الفوريه لو فوريه يبقى معلقه شاي
1 م كبيره سكر
نص معلقه ملح
2 م كبيره ميه
3 م كبيره زيت
بس انا مصورتش المكونات
هنحط الخميره مع السكر و نحط عليهم الميه و يفضل تكون دافيه و نسيبهم 10 دقايق
و نحط الملح ع الدقيق و نقلبهم و محط الخميره و نقلب شويه و ندفي الحليب و الزبادي ع النار بس مش لدرجه انه يكون سخن بس دافي
و نحطه ع الباقي و نعجن كويس جداااا لمده خمس او عشر دقايق لحد م تكون عجينه طريه نحط الزيت و نعجن تانى بس مش كتير
هنلاقي العجينه بقت ناعمه كمان و طريه معانا كده تبقى جاهزه
شوفو لما ضغطت عليها
هنسيبها عشر دقايق ترتاح و بعد كده نقطعها كور و نرصها ف صنيه تكون مدهونه زيت خفيف جداااااااااا
و نبططها بايدينا ف الصنيه و نرش عليها سمسم بس معلش مطلعوش معايا مدورين تماما
زي كده
و نسيبها تخمر على اد م نقدر انا سبتها تقريبا 3 او 4 ساعات
و ندخلها ف الفرن على حراره 180 لمده ربع ساعه لحد م يكون لونها دهبي من تحت و هنلاقيها ارتفعت اكتر ف الفرن
و نحمر الوش لمده دقيقتين و هتطلع معانا كده
و دى لما قطعتها طريه جدااااااااا و خفيفه اوى
اتمنى انكم تجربوها هتعجبكم جدااااااا و سهله و سريعه
مش عايزه منكم غير دعوه لابني ربنا يباركلى فيه
مواضيع هذا القسم برعاية
قرة عيني قرة عيني 519652_1.gif سوبر فتكات Fatakat 519652 بيتي – مملكتي