ازيكم يا فتوكات ياقمرات يارب تكونوا بخير ومبسوطين
النهاردة بقى عمللكم اكله انما اية سهلة جدا وكمان جميلة
ايوة هى ليها اسماء كتير كل واحد بسميها على كيفه
بس فى النهاية اية هم هم هم
ندخل بقى على المكونات والطريقة
نبداء بسم الله
دقيق الكمية اللى انت عايزها
حبة ملح
حبة سكر
خميرة
زبادى (لو هتعمل بالمقدار يبقى كل 3 كوب دقيق كوب زبادى)
ماء دافئ للعجين
(انا كان عندى لبن رايب عجنت بيه وما احطتش زبادى)
طبعا الموجود عندك
وتعجنى زى عجين العيش وتسبيه يخمر
تقطعى العجين وتفرديها
نكون بقى محضرين الخلطة(الحشوة )(اللحمة يعنى)
لحمة انا عملت كيلو (حسب الكمية المطلوبة)
بصل+طماطم +فلفل حار (اختيارى)+فلفل حلو+كزبرة خضرة
ملح _بابريكا+فلفل اسود+بهارات
نقطع الخضار قطع صغيرة جدا
البصل انا عملته بالكبة بس مش ناعم اووووى ولا خشن اووووى
زى اكونه معمل بالمبشرة
باخد التوابل كلها وبحطها على البصل وبفركها مع بعض كويس
وحط البصل والتوابل على اللحمة وباقى المكونات التانية
واخلطهم مع بعض
وناخد رغيف عيش من اللى فردنه ونحط عليه خلطة اللحمة
ونحط فوقه رغيف تانى ونقفل اطرفه بصوابعنا كويس اووى
ونغزغزة بالشوكة
وندهن وشه بالزيت فى ناس بتدهنه بالبيض بس انا مش حبة
او نعمله كدة
نحط فى نص الرغيف بس لحمة
ونقفله ونغزغزة بالشوكة عشان مش ينفخ منك
وندهن الوش بالزيت طبعا
وندخلهم الفرن
ودا شكلهم
ودا طبق لاول واحدة ترد وتقيم
وطبعا معها طحينة ومخلل وسلطة خضرة وعيشى
بالف صحة وعافية ومطرح ما يسرى يمرى
يارب يعجبكم
ما تنسوش بقى عايزة ردود حلوة زيكم
وايه كمان التقييم يا قمرات
عشان مش ازعل
استودعكم الله
تحياتى
مواضيع هذا القسم برعاية
vovo2016 vovo2016 260903_8.gif فتكات غالية قوي Fatakat 260903 اسكندرية – فلسطنية مصرية غزوية