لمبكبكة الليبية عملتها مع انى مصرية
بصوا يافتوكات انا عملت اكلة ليبية
بس والله فعلا طلعت حلوة
وهى المبكبكة مع انى مصرية
مية فى المية ههههههههههههه
سهلة ومتوفرة للجميع وهى عبارة عن
نصف كيلو مكرونة
بصلة مقطعة قطع صغيرة
2 حبة طماطم مقطعة ايضا مكعبات صغيرة
قطع صدور فراخ أو لحمة مكعبات وسط وده شىء اختيارى حسب راحتك
انا هنا استعملت صدور الفراخ + التوابل عبارة عن معلقة صغيرة كركم
ملح وفلفل اسود ومعلقة كبيرة صلصة
شوية خضرة مقطعة صغيرة ( بقدونس +كسبرة)
3فصوص ثوم + فلفل حاااااااااااااار
فى حلة نضع شوية زيت زى كده ونقلب فيهم البصلة شوية
وبنضيف مع البصل الكركم والملح لحد ما البصل يدبل شوية
بالشــكل ده
نضيف الطماطم المقطعة مكعبات ونقلبها شوية لحد ماتنزل مية
شوية و نضيف مكعبات الدجاج او اللحم ونقلبهم جيدا
وبعدين نضيف معلقة الصلصة ونزودهم بالماء والمية بتكون كتيرة شوية
وبعد مانضيف المياه بنتركهم على النار لغاية
اللحم او الدجاج مايستوى
بالشكل ده
وبعدين نضيف المكرونة ونسيبها على النار لغاية ما المكرونة تستوى
ولما تلاقى المكرونة استوت بنضيف الثوم المدقوق والفلفل الحار والخضرة والفلفل الاسود
ونقلبهم جيدا ونطفى النار عليهم بس لازم نراعى
ان المية بتاعتها تكون حلوة مش المكرونة تشربها كلها
نقلبها تقليبة كدة شايفين لسه فيها الميه اهى
و بعدين نغرفها فى الاطباق كده وانا كنت عاملة معها ملوخية خضرة وبانيه
وبالف هنا وشفا
يلا بسم الله
واللى تجربها والله هتعجبها جدا
اولادى حبوها جدا
وان شاء الله تعجبكم انتم كماااااان
يا احلى فتوكااااااااااات
ايه رايكم بقا فيا
مصرية مصرية
مستنية روددكم وتقييمكم
ويارب تعجبكم
مواضيع هذا القسم برعاية
أم آيات أم آيات 56154_1.gif سوبر فتكات Fatakat 56154 حلوان – مصر