النهاردة يا فتوكات يا قمرات
اخيييييييييييييييييييييييييييييييييييييييرا
عملت اللازانيا الرهييييييييبة
و بصراحة كدة
وسطى اتقطم و لسه عشان اشيل اثر الدمار اللى حصل فى المطبخ
فيارييييييييييييييييييييييييييييييت ارجوكم
التقيييييييييييييييييييم
و ياريت لو دعوة حلوة كدة انى اكسب
بهزر والله
المقادييييييييييييييير
البشاميل
1- 3 معالق زبدة او سمنة
2- 3معالق دقيق كبيرة
3- كيلو الاربع لبن
4- ملح و فلفل حسب الحاجة
و ياريت لو فلفل ابيض
الفراخ و السوسيس
1- نص كيلو صدور دجاج
2- فلفل الوان
3- بصلة
4- فصين توم
5- معلقة سمنة
6-معلقتين كبار صلصة
7- ملح وفلفل و توابل حسب الرغبة
اللازانيا
1- كوب دقيق
2- بيضة
3- رشة ملح
4- نقطتين زيت
5- مية للعجن
السوسيس
1- 8 صوابع سوسيس
2- معلقة سمنة
و كدة خلصت المقادير و ندخل بقى
على التقيل
طريقة العمل
اولا البشاميل
هنجيب حلة و نحط فيها السمنة او الزبدة
و نحط ليهم الدقيق كدة
و نقلب كويس لمدة 3 او 4 دقايق
و بعدين نضيف اللبن مع التقليب المستمر كويس
عشان مايكلكعش
طبعا نضيف الملح و الفلفل
نقلب لحد مايغلى يعنى من 5 الى 10 دقايق
لما تحسى انه استوى ننزله من على النار
لو حسييتى انه تقيل ممكن تزودى لبن
و ده شكله
ندخل بقى على الفراخ
اول حاجة هنحط الطاسة فيها شويه سمنة
و نقطع الفراخ صغيرة
و نشوحها فى السمنة و بعدين نقطع البصل
طرنشات و الفلفل و التوم
و نضيفهم على الفراخ و نقلب 5 دقايق
و بعدين نحط معلقتين الصلصة
و نضيف شوية شوربة يادوب تكون مغطية الخليط
مش كتير يعنى
و نسيبهم على النار لحد ما الفراخ تستوى و تكون
الشوربة نشفت و نطفى عليها
عجينة اللازانيا
بصوا انا عملتها بلازانيا جاهزة
بس برضوا عملت عجينة عشان الموضوع يكون كامل
و اكسسسسسسسسسسسسسسسسسسب
المهم اول حاجة
هنجيب كوباية الدقيق نحطها و نحط عليها البيضة
و شوية الملح و نقطتين الزيت
و نعجن بقى و لما تحتاج ميه احطلها و هتبقى
كدة
نسيبها ترتاح شوية على ما نعمل باقى الحاجة
و بعدين نفردها
و نقطعها كدة مستطيلات
و بعدين نسلقها فى مية بتغلى فيها زيت و ملح
اول ما تطلع على وش المية نشيلها
و نغسلها تحت الحنفية نشطفها بس يعنى
اوعو تمشوا راجعين تانى
ياريت ماحدش يرد عشان الموضوع يكون على بعضه
انتظرونى و طريقة الفرد فى الصنية مواضيع هذا القسم برعاية
lalasozy lalasozy 204781_4.gif فتكات رائعة Fatakat 204781 الرياض – السعودية