ازيكم يا احلى فتوكات
انا جيبالكم كذا نوع وكذا شكل معكرونه
بس متسألوش على الطعم لانو جنان بمعنى الكلمه
نبدأ بوحده واحده
وياريت اقدر اقدم ليكم الطبق مباشره يا اجمل عالم
مكرونه بصدور الديك الرومى والخضار
المقادير
1كيس معكرونه 500اسباجيتى
صلصه انا بضيفلها صلصه 3الى اربع معالق حسب الرغبه
الصدور بتاعت الرومى دى انا كانت عندى من قبلها بيوم
يعنى لوفضل عندك صدور رومى مش عارفه تعملى فيها ايه انا عملتها مكرونه
وكنت اكلها فى فندق شتاين برجر بالغردقه
البهارات بهار مخلوط وبابريكا وفلفل احمر
وماجى
بصل
الطريقه نقطع الرومى قطع صغيره
نجيب الزيت ونضيف ليه الشطه الناشفه شويه كدا بيدى طعم روعه
وبعدها نضيف البصل لحدما يتحمر ويعدها نضيف ليه الرومى يتشوح شويه
ونضيف الخضار الى تحبيه
وبعدها تضيفى البهار والماجى والبابريكا والفلفل
وبعدها الصلصه انا بحط عليها نوعين صلصه
واحد الى بيبقى فيها قطع طماطم وممكن لو مش عندك تقطعى طماطمايه
وتضيفى الشوربه او لو معندكيش تضيفى ميه
وتضيفى المكرونه بعد سلقها بالميه والزيت والملح
بعد اضافه المكرونه والصوص تسبيها 10 دقايق
لحد ما تتسبك كويس
وهتطلع معاكى بالشكل الروعه ده
دى طريقه تانيه بقى مكرونه اقلام ملتويه على الطريقه المكسيكيه
500جرام مكرونه
2صدور فراخ
صلصه
معلقه شطه معجون
وبهار فلفل اخضر
وزيت حار
وبصل
الطريقه
هنسلق المكرونه
ونصفيها كويس وبعدها نبدا بالصوص
نجيب الفراخ نشوحها فى الزيت الحار لحد ما تبقى زى الطماطم حمرااااااااااااااااا
وبعدها نضيف لها البصل الاحمر وضيفلهم البهاروالفلفل الاخصر الحار
ومعجون الشطه والصلصه ونسيبهم ونضيف قرصين ماجى مع كوبين ماء ونسيبهم يتسبك كويس جدا
وبعدها نضيف المكرونه
ونضيفلها الشوربه على تتسبك مع الصوص
وااااااااااااااااااااااااااااااااه على النار وعلى الطعم خيال
وده شكلها النهائى
اما دى بقى المكرونه بالجبنه والزبده
اى نوع انتى بتفضليه
انا فضلت الباستا
وجبنه فلاديلفيا
وجبنه موزيلا
وجنبه بيضاء ممكن وحتى قريش ممكن كمان
وزعتر ناشف وزبده ونعناع ناشف
هنسلق المكرونه كويس اوى لانها مش هنسبكها تانى
وبعدها نجيب الزبده على النار هاديه جدا ونضيفلها الزعتر والنعناع والجبن لحد ما تسيح يدوب دقيقه على النار وبعدها نخلطهم كويس اوى
سوا ونزينها بشويه معجون الشطه وده شكلها النهائى وصحتين وعافيه على قلوبكم
ها ايه رائكم بقى ياريت يا بنات تردو وتقيمو علشان مزعلش لانو تعبت
اوى وعاوزه دعوه حلوه كدا من احلى البنات
مواضيع هذا القسم برعاية
soso_ata soso_ata 77108_7.gif سوبر فتكات Fatakat 77108 كوبنهاجن – الدنمارك