جبت ليكو طريقة عمل عجينة البيتزا بالشوفان وهذة الكمية تعمل صينية مقاس 26 بتاعة البيتزا وانا عملتها كذا مرة وهى حلوة اوى وكمية صغبرة منها بتشبع لان الشوفان دة مليان الياف واى حاجة فيها الياف بتشبع جدا
اولا المقادير
كوب شوفان ابيض
كوب دقيق ابيض عادى
2 ملعقة صغيرة خميرة فورية
ملعقة صغيرة سكربنى او عسل نحل الابيض لا انا قربت اعمل لة مقاطعة
ذرة ملح
ملعقة كبيرة زيت زيتون او زيت ارز
ماء دافى على حسب العجينة بنبتدى بنصف كوب واذا العجينة احتاجت نضبف شوية بشوية
الطريقة
نحط كل المكونات مع بعضها فى العجانة ونخلطها لحدما تتشكل العجينة وهى بتكون متماسكة شوية عن العادية علشان الشوفان بيدها صلابة شوية وبعدين نسيب العجينة لحد ما تتخمر فى مكان دافى وبعدين نفردها فى الصينية تكون مدهونة زيت ونضع عليها الحاجات اللى موجودة عندك فى البيت زى الصلصة او الكاتشب والجبن والخضار واى حاجة انتى بتحبيها وبعدين نسويها على درجة حرارة 200 لمدة ثلث ساعة
وبالهنا والشفا واللىعندها اى سوال عنه ان مستعدة للخدمة وادعو لى بظهر الغيب مواضيع هذا القسم برعاية
ام سها ام سها images/avatars/orangeflower.gif فتكات رائعة Fatakat 258029 15 مايو – حلوان
سبحان الله و بحمده