بسم الله الرحمن الرحيم
تعالوا يااحبابي اقول ليكم انا بعمل المندي ازاي وهي اكله رائعه وانا بحبها جدا
وبصراحه اللي اعطتني الطريقه اخت عزيزه جدا سعوديه وقالتلي ولا تشتريه ولا شي انا بعلمك كيف تسويه في البيت بطريقه سهله وطعمه مره خطيييير الله يحفظها
بصوا بقا انا مش هقول علي مقادير انا هقول علي المكونات وانت وحسب ماتحبي
مكوناته
دجاج او لحمه
ولو لحمه يبقي افضل انك لا تقطعيها وخليها حته واحده وياسلام لو موزه وياسلام اكتر لو ضاني
رز بسمتي او رز طويل الحبه
بهارات عاديه للشوربه(حبهان —-قرفه عيدان —–قرنفل)
بهارات المندي عباره عن (حبهان مطحون+خولنجان مطحون+قرفه مطحونه+صبغه زعفران) وتخلط جميعها مع بعض وممكن العطار هو اللي يعملها وبتكون علي شكل بودره يعني ناعمه جدا
ملح وفلفل
سمنه
الطريقه
نسلق اللحمه او الدجاج ونضيف علي الشوربه فصين حبهان وقرفه عيدان وقرنفل
وبعد السلق نشيل اللحمه او الدجاج من الشوربه
نجيب صنيه ونضع فيها اللحمه او الدجاج ونأخد نصف كوبايه شوربه ونضع عليها ملعقه بهارات المندي ونرشها علي الدجاج او اللحمه وندخلها الفرن مش تتحمر لا تغيير لونها بس
الشوربه بقا نخليها علي النار ونغسل الرز حلو قوي ونضعه علي الشوربه بالمقدار الاتي
1كوب رز بسمتي نضع له 1ونصف كوب شوربه يعني قده مره ونصف وفي رز بيأخد قده مرتين
ونتركه يستوي وفي هذه الاثناء نضع علي النار فحمه تشتعل
وعلي قرب مايستوي نجهز الاتي
ملعقه سمنه كبيره +بهارات المندي
ونفتح الغطاء بتاع الرز وقد استوي نضع عليه الخليط السابق(نرشه بحيث انه يكون نصف الرز ابيض والنص اصفر)
ونعمل حفره في الرز ونجيب ورقه قصدير وفيها ملعقه سمنه ونحط عليها الفحمه المشتعله ونغطي الحله بسرعه بقطعه قماااش نظيفه او ورقه قصدير ونضع الغطاء
ونتركه حوالي ربع ساعه
وبعدين نغرفه ونضع اللحمه فوقه او الدجاج
ونعمل سلطه مطحونه بتبقي لذيذه جدا معاه
وبالهنا والشفا
اي سؤال انا موجوده
مش منقول
الصوره بس من الجوجل جبتها
مواضيع هذا القسم برعاية
عاشقه ارض المدينه عاشقه ارض المدينه 946_4.gif فتكات ست الكل Fatakat 946 جوار الحبيب صلي الله عليه وسلم – بلاد الحرمين