السلام عليكم ورحمة الله
حبايبى الفتوكات العسلات ازييكوا جيبالكوا انهاردة الجمبرى البانية بشكل شيك وهيعجبكوا جداً إن شاء الله
ندخل فى الموضوع على طول
**المقادير**
كيلوا جمبرى جامبوا
5 فصوص ثوم مفروم
ملح
كمون
ليمون
شطة
دقيق
بيضتين
بقسماط
زيت للتحمير
**الطريقة**
الموضوع الجديد كله فى طريقة التنظيف والفتح وهشرحهالكوا بالتفصيل الغير ممل إن شاء الله
أولاً نقوم بتقشير الجمبرياية كلها ونسيب الديل اللى فى الآخر ده بالشكل ده
ونبدأ نكمل باقى الجمبرى كده
استنوا مش هو ده باقى الجمبرى إوعوا تفتكروا إنى عاملة 3 جمبريات يعنى دا انا قلت أوريكوا فى النص كده
وبعدين بقى يا ستى انتى وهىتيجوا من عند سلسلة ظهر الجمبرياية كده ونشدها وبعدين من نفس الناحية نفتحها بالسكينة كلها عشان تتفرد ولو فيه بواقى من
سلسلة الظهر ننظفها كويس عشان تبقى زى الصورة دى كده
وبعدين بقى نجيب الحاجات اللى هنتبل بيها الجمبرى زى ما هو فى المقادير (الثوم،الملح،الكمون،الشطة، الليمون)
ونبدأ نتبل بيها الجمبرى كله من الجهتين ونحطه فوق بعضه ونحطه فى الثلاجة أقل حاجة ساعتين
أنا عن نفسى حطيته من قبلها بيوم وكان شارب من التتبيلة وطعمه تحفة
وبعدين نحضر بقى باقى الحاجات اللى فى المقادير (الدقيق،البيضتين،البقسماط)
وبنحط طبعا القليل من الملح والفلفل على البيض قبل ما نضربه بالشوكة كويس
ونبدأ بالترتيب كده من اليمين نحط الجمبرياية فى الدقيق على الجمبين وبعدين فى البيض وبعدين فى البقسماط
ونضغط عليها فى البقسماط جامد عشان يمسك فيها كويس ونعمل الكمية كلها كده
وبعدين نحطهم فى الفريزر حوالى نص ساعة تقريباً عشان مايفرولش فى الزيت وابدأى حمرى بقى ياحلوة بس إوعى يزيد فى النار عن دقيقتين
لحسن ينشف ويجلد هو دقيقة واحدة على كل ناحية وتشيلى على طول وده اللى خلانى مالحقش أصورلكوا وهم فى الزيت
وده بعد ماطلعتهم لهم
ويقدم مع الرز والسلطة الخضرا والطحينة وبالهنا والشفا
"لا إله إلا أنت سبحانك إنى كنت من الظالمين" مواضيع هذا القسم برعاية
بيبو المنتقبة وأفتخر بيبو المنتقبة وأفتخر فتكات متميزة Fatakat 248429 الخُبر – السعودية