حبيباتي الفتوكآت (♥)
العاشقات للمطبخ محترفآت ومبتدئات
أسعد الله اوقاتكم بكل صنف جديد ^^
يآرب تكونوا كلكم تمام
موضوع النهاردة بمناسبة افتتاح الركن الجديد
" المأكولات البحرية "
هو مش طبخة .. ولا وصفة
دي بجد حكآآآية
أبطالها
أختكم ..العبدة لله
و8 سمكآت قمورات شطورات عسولات
أختكم زى اى بنت كانت فبيت باباها
مابتعملش اى حاجة يومية فالمطبخ ،
لكن الحمد لله كنت بحب .. يعني لما الغزالة ترووق كنت اظبط
جالي النصيب
وماما شمتت فيا بقى وقالت لي هاتتظبطي
وكل يوم تدخلي معايا المطبخ عشان تتعلمي
ولكـن ،،
طلع جوزي مالوش فالاكل خالص وقال مش مهم
مابتعرفش مابتعرفش
واستمريت على عبطي
ماكنتش اعرف لا امسك فرخة ، ولا سمكة ، ولا لحمة
كان جسمي بيقشعر
بعد الجواز بقى بدات حاجات تتغير وتتظبط الحمد لله
الا حاجة
عمري ما كنت متخيلاها
ولا اتوقع اني اعملها
(( السمـــــــــــــــــــــــــــــك))
من اول ما تجوزت وانا مش بادخله الشقة ،،
لا ني ولا مستوووي !
بس الحمد لله كنت باكله عند ماما
المهم عشان ماطولش عليكو
عدت السنين والحال على ماهو عليه
إلى ان
سافرت واتغربت
عدى شهر
اتنين
تلاتة
قلت لا مابدهاش عاوزين سمك
حتى من باب التغيير
وبفضل الله لقينا جمبنا واحد بيبيع سمك مقلي ومشوي وكل اللي عاوزاه
اشتريناه ني وهو بينضفه وانا اتبله واقليه فالبيت
لغاية هنا وكان مية مية
بس كان بكام
ب 17 ريال الكيلو
يوم الاربع اللي فات قاعدة باتفرج عالعروض
لقيت فماركت
سمك بلطي بكاام
ب 11 رياااااال
طبعا فررق رهيب .. اى ست مصرية
هاتقول احنا اولى ب 6 ريال دول
روحت ع طول وخدتني الحماسة
وهات يا عم 2 كيلووو
وخلصنا شرا باقي الحاجات ومروحين
اذ بي اخد بالي ان السمك الراجل مانضفوش
وبعدين هانعمل ايه
انا ماعرفش انضف سمك ولا عمري عملتها
وافتح السمك و و و لا لا استحااااااالة
ف " الكبير " اتصل بمحل السمك اللي كان جمبنا
قاله فيه تنضيف سمك
وكانت اجابة غير متوقعة وصادمة
" لــــــــــــــــــــــاـ "
قععد بقى جوزي يتريق
وادي اخرة التوفير
الخ الخ الخ
ونديه للقطط وحاجات كده
استيقظت نفسي الشملولية
وخلاص ركبني التحدي
وهانضفه يعني هانضفه
يعني اللي بينضفه سمك احسن مني فاييه
واستنيت لما الباشا نام
واستعنت عالشقا بالله وعملت اللي جاى ده
جبت مقص قديم + معلقة صغيرة بلاستيك + جوانتي المطبخ بتاعك + كيس زبالة وعلقته جمبي وانا باشتغل عالحوض + اكياس زبالة
+
+
+ 
وحطيت السمك فبلاستيكة كبيرة .. وجمبي بلاستيكة تانية برضه بس فاضية
وبدأت كالتالي فرشت كيس بلاستيك فالحوض مسكت اول سمكــة قصقصت كل الزعانف ( والزعانف هو اسم يطلق على كل حاجة زايدة عن جسم السمكة بالناحية التانية من السكينة اللي هيا مش حادة هاتقشري السمكةمن تحت لفوق هاتفتحي السمكة من ناحية بطنها .. هاتلاقي خرم صغنن قصي قصي قصي لغاية اما توصلي لآآآخر السمكة وهاتفتحي الراس معاكِ كمان
بالمعلقة هاتطلعي كل اللي فبطنها وتحكي جامد اووي بعدين هاتروحي عالدماغ تطلعي منه كل حاجة فيه هاتفضيه عالآآآخر ماتفتحيش الماية خالص عشان الدنيا ماتتلغوصش حطي السمكة فالبلاستيكة الفاضية وهكذا سمكتين كمان
بعدين ارمي الكيس اللي كان فالحوض باللي فيه فكيس الزبالة اللي معلقينه ونفرش كيس تاني ونشتغل بنفس الطريقة ف سمكتين كمان ، وانتي هاتلاقيكي اتنازلتي عن المعلقة واتمكنتي بايديكِ أسرع بعد اما نخلص هايبقى فيه بلاستيكة فاضية وواحدة مليانة هانغسل السمك اللي فالمليانة بقى كوويس سمكة سمكة ندخل فيها الماية وننضفها تمام ونحطها فالبلاستيكة الفاضية كده برضه بقى فيه اتنين واحدة بلاستيكة فاضية وواحدة ملليانة > معلشوا دوختكوا هع هع هع هانحط فالفاضية معلقتين دقيق + معلقتين ملح خشن _ معلقة خل + معلقتين لمون ، ونملاها ماية بعد كده ننقع السمك كله فيها لمدة ربع ساعة وبعد الربع ساعة تشطفي السمك ومية مية كده يتبع ،،
مواضيع هذا القسم برعاية
Muslima Wife Muslima Wife 84811_20.gif فتكات غالية قوي Fatakat 84811 فقط مع من أحبوني ! – مملكتي الخاصة