ازيكم يا بنوتات عندى لكم النهاردة طريقة لحفظ الليمون طازج لمدة طويلة ومجرباها والا ماكنتش اقول لكم عليها وانا بصراحة عندى ليمون فى التلاجة من اول رمضان وكأنى لسة شارياه لأنى كنت جايبة كتير احسن يغلا فى رمضان مش حطول عليكم اقول لكم الطريقة تغسلى الليمون كويس عشان ما يعملش فطريات ويفسد وتنشفيه كويس جدا وتجيبى كيس قماش قطن ولازم قطن تعبى فيه الليمون بس مش كتير يعنى الكيس بالكتير 2 كيلو وده عشان لو اللاجة عملت مية جواه تتشربه القماشة وبعدين تحطيه بالكيس ده جوة شنطة بلاستيك وتحطيه فى اعلى رف فى التلاجة عشان ياخد تبريد كويس وكل اسبوع مثلا تطلعيه تنشفيه وتغيرى الكيس بواحد ناشف يعنى كل لما تلقيه كدة تغيريه وحسب تبريد تلاجتك يعنى بصى عليه قبل الإسبوع ويكون الليمون اخضر شوية عشان يعيش ولما تيجى تستعمليه خدى الصفرا أو اللى تحسى انها قربت تستوى ماشى يا سكر وكمان فيه حاجة لو لقيتى كام واحدة دخلت فى السوا وطريت خرجيها واتركيها فى الهوا داخل المطيخ تنشف خالص وتبقى زى الخشب وده له استعمالات كتير منها لو بتدمسى فول خرمى واحدة او اتنين حطيهم معاه حيخلى الفول مشمش وكمان مكن تطحنيه فى طحان التوابل وتحفظيه فى برطمان جاف وتستعمليه مع السلطة لو ما عندكيش ليمون وانا باستعمله مع تتبيلة السمك من جوة وكمان مع شوربة البصل أو السمك والسى فود وكمان فيه الطريقة اللى اغلبكم عارفها انكم تعصروه تشيلوه فى مكعبات التلج ثم فى كيس نايلون أو علبة بلاستيك وتسحبى منه لليموناتة فى أى وقت وكفاية كدة احسن زمانك زهقتم وابقوا قولوا رأيكم وادعوا لى بالشفا والصحة وراحة البال والسلام عليكم ورحمة الله وبركاته مواضيع هذا القسم برعاية
بلبلة الصباح بلبلة الصباح 164123_2.gif مراقبة مدونة Fatakat 164123 القاهرة – جمهورية مصر العربية
سبحان الله و بحمده