بصوا يا بنات الطريقه دى زى الدبابيس اللى بره بالظبط
التتبيله خدتها من الشيف محمد فوزى
اللى هى ننقع الدبابيس فى ميه متلجه وتحطى التتبيله اللى انتى عاوزاها
انا حطيت ثوم بودر بصل بودر وزعتر خل شطه ملح حبهان ورق لورا كرفس
ونقعتهم يوم كامل
الافتكاسه بقا ودى اهم حاجه
جبت حقنه 10 سم
وشلت السن منها
ومليتها من مية التتبيله وحقنة بيها الدبوس فى كل حته
ولاحظى انك الاول بتشقى بين اللحم والعضم من عند الدبوس من فوق
ودخلت الحقنه لحد العضم والله التتبيله وصلت لجوا جدااا
وبعد كدا بتجيبى كوب دقيق ذره عليه كوب دقيق ابيض
وتحطى بهاراتك وملحك عليه
زى اللى فاتت بالظبط
وتحطى الدبوس فى الدقيق ولازم تكون ساقعه جداا
وبعد ما تحطيه فى الدقيقه تحطيه تانى فى ماية التتبيله
خدى باللك لازم بسرعه
وبعد كده بتتقلى فى زيت سخن جداا فى الاول عشان تمسك التتبيله
وبعدين وطى لمدة 15 دقيقه
وبس مواضيع هذا القسم برعاية
تعا اشرب شاى تعا اشرب شاى فتكات هايلة Fatakat 342273 العاشر من رمضان – العاشر من رمضان