عاملين إيه يا فتوكات. يارب تكونوا بخير.
طبعا من أول ما قريت طريقة الفطير المشلتت في أكتر من موضوع وأنا نفسي أعمله جدا بس كنت بكسل وبخاف كمان مع إني شايفاه في منتهى السهولة.
المهم روحت عند ماما يوم الخميس وقولتلها تعالي نعمل فطير, قالتلي ماشي.
وعملناه والله زي الوصفة تمام (هو أصلا مش محتاج فقاقة) وياريتنا ماعملناه.
هقولكم إللي عملناه بالظبط وقولولي فين الغلط الله يكرمكم.
بداية جبنا دقيق وحطينا عليه شوية ملح وشوية سكر وحطينا مية دافية وماما فضلت تعجن تعجن لحد ماتعبت يا عيني, بس العجينة كانت لازقة في إيديها مهما تعجن مع إنها كانت ناشفة ومحتاجة ميا مش طرية فزودنا حبة ميا وماما فضلت تعجن حوالي نص ساعة والعجينة كنت بحسها بتلزق في إيدها أكتر.
بعد مازهقنا قولنا طيب نقسمها كور بقى يمكن تتعدل لما نسيبها ترتاح, وسيبناها حوالي 4ساعات ونص كانت العجينة فردت كدا كأنها ساحت بس هي مش ساحت (هي كانت عبارة عن كور مدورة جنب بعض في الصينية وبعاد عن بعض لكن بعد الاربع ساعات كانوا عبارة عن دواير تقريبا لازقين في بعض).
بدأت آخد كورة وأفردها (وكانت بتتفرد كويس) و وأدهن سمنة وأطبق إنتوا عارفين الخطوات. وسبت الفطير نص ساعة وبعدين ع الفرن.
إللي يحزن بقى إنه طالع مجلّد جدا (زي الجلد) وبيتمدغ بصعوبة الطبقة اللي جوة واللي برة كمان.
الله يرضى عنكم قولولي المشكلة فين أحسن أنا حقيقي متدايقة جدا على المجهود والمقادير اللي راحت.
وجزاكم الله خيرا.
مواضيع هذا القسم برعاية
عنـــــــان عنـــــــان 489892_4.gif برنسيسة فتكات Fatakat 489892 القاهرة – مصر
سبحان الله و بحمده