السلام عليكم ورحمه الله وبركاته
ازيكو يا فتوكات .. صلو على الحبيب النبى محمد
النهارده هنعمل كبسه بس مصرى .. بنقلد السعوديه وكدا
نبدا بسم الله .. هتحضرى يا بطه يا عسل الاتى . خضار مشكل (بسله وخزر وبطاطس وكوسه) بالشكل دا
ونكون طبعا محضرين كوبايه ارز بسمتى منقوع فى ميه مع رشه ملح وشويه خل قيمه نص ساعه كدا
نحضر نص كيلو لحمه مقطعه مكعبات متوسطه ونسلقها عادى جدا لحد ما تطيب (مش تتهرى ) زى كدا
احتفظى بالشوربه على جنب عشان هتستعمليها
نطبخ بئى .. هنجيب حله ونحط فيها الخضار مع معلقه سمنه عشان نشوح الخصار ونحط عليه توابل الكبسه
زى ( كارى . نص معلقه . كركم . قرفه. زعفران . كمون . فلفل اسود . ورقه لورا . ورشه ملح) كناسه العطار يعنى
كدا هوووووون
قرن فلفل مشطشط او عادى زى ما تحبى .. ونشوح تشوحتين عشان الخضار يتشرب التوابل وبعدين نحطلها كوبايه ميه صغيره وسيبيه يشرب الميه كداا
اول ما يشرب ميتو هنحط اللحمه والارز المصفى من ميه النقع طبعا وقلبيه تقليبه مع بعضيهم كدا
انا حطيت كوبايه ارز بسمتى (هنحطلها كوبان ميه .. ونص كوب ميه كمان للخضار + مرقه دجاج مكعب واحد ) دا لو معندكيش شوربه
ونحط رشه ملح بسيط .. واعملى حساب انك حاطه ملح فى الشوربه والتوابل فيها ملح بردو اوعى يحدق منك
حطينا الشوربه كدا
نسيبها لما تتشرب كدا
كدا شربت شوربتها والكبسه بانت .. نوطى النار ونسيبها تتلدن زى الارز العادى
ودى بعد الكبسه ما طابت وخلصت
طعمها لذيذ جدااا جربوها وادعولى
يارب اكون افدتكم .. كبسه دى ولا مش كبسه يا بنى ادمين يا بتوع فتكات
انا تحت امركم فى اى سؤال ..
اللهم ارزقنا حسن الخاتمه .. فى امان الله ورعايته
مواضيع هذا القسم برعاية
لوزه العضاضه لوزه العضاضه 1208678_12.gif سوبر فتكات Fatakat 1208678 مدينه المنصوره – مصر