متجدد ملف اكلات باللحمة المفرومة وبالصور كل اللى انتى عايزاه باللحمة المفرومة
الاول يا فتوكة انتى وهى عايزة اقولكم على تجربتى على فكرة يا جماعة ممكن تستعملو الكبابة الصينى بدل جوزة الطيب وبنفس الطعم والمذاق واتأكدت ان جوزة الطيب حرام (اجمع عليها الامام مالك وبن حنبل والشافعى )لانها من المسكرات وحتى القدر القليل منها حرام لان ما كثيره مسكر فقليله حرام
فياريت كل اللى تعملها تستخدم الكبابة الصينى بدل جوزة الطيب انا الاول كنت بعملها بجوزة الطيب
الكبابه دى نوع من العطارة
عباره عن كور صغيرة لونها اسود او بنى غامق اوى
بتتجاب من العطار طبعا قولى له ادينى ب2جنيه كبابه صينى وافرميها فى الخلاط وحطيها ببرطمان وحطى نفس كمية جوزة الطيب على فكلرة هى ارخص بكتيييييييير واحلى بكتيييييييير حتى جوزى قالى ان اكلى بقى احلى بكتير لما استخدمتها
عندك لحمة مفرومة تعالى شوفى هتعملى بيها اية
ملف كامل لوصفات اللحمة المفرومة
محتويات الموضوع
· المكرونة باللحمة المفرومة
· الكفتة ببرغل
· كفتة ببرغل بالصلصة
· مسقعة بلحمة مفرومة
· رقاق بلحمة مفرومة
· البطاطس المحشية بلحمة مفرومة
· الكوسة المحشية بلحمة مفرومة ومراكب الكوسة
· كفتة البطاطس بلحمة مفرومة
· الحواوشى
· صنية بطاطس بلحمة مفرومة
· البامية بالحمة المفرومة
· الفاصوليا بلحمة مفرومة
· البسلة بلحمة مفرومة
· كرات اللحم بالعجين
· والوصفات المنقولة
· سويسرول بالحمة المفرومة
· انواع كفتة
· طريقة عمل الكبيبة الشامى
المقادير
1/4ك لحمة مفرومة
1/2ك مكرونة قلم
1ك طماطم
2 بصلة كبيرة
2فلفل اخضر رومى كبير
ملعقة سمنة+1/4كوب زيت
ملح+فلفل اسمر + سنة بهارات + سنة كبابة صينى +كمون+شطة (حسب الرغبة)
الطريقة
1. يفرم البصل فرماً ناعماً
2. يوضع البصل وعلية شوية فلفل اسمر بدون سمنة الى ان تجف مية البصل
3. ثم يوضع الزيت والسمن والفلفل الاخضر(يدوب يدبلو)
4. ثم توضع اللحمة وعليها جوزة الطيب والبهارات والملح ونسيبها لغاية ما تغمق(ونخليها تتلسع شوية علشان تبقى ريحتها زى المشوية)
5. نحط عليها عصير الطماطم المتصفىوالكمون ونتركها حتى تتسبك تماماً
6. تسلق المكرونة وتصفى جيداًووتقلب جيداً مع الخليط السابق(ويترك جزء من الخلطة لتغطية الوجة وتوضع فى الفرن حتى يحمر وجهها.
وبالهنا والشفا
وانا كنت منزلاها فى موضوع قبل كدة فى فتكات وعجبت ناس كتير
حتى دى بعض الاراء
المشاركة الأصلية كتبت بواسطة اللهم انى اسألك حبك 
على فكرة يا زهرة
انا عملت الطاجن امبارح
كان خراااااااااااااااااااااافة
المشاركة الأصلية كتبت بواسطة حــيــاة تسلم ايدك
عملته بجد جامد جداهايل
واحلى بكتير من طاجن المكرونة
بتاع المحلات
صينية بطاطس محمرة باللحمة المفرومة
المقادير
1/4ك لحمة مفرومة
1/2ك بطاطس مقطعة شرائح
1ك طماطم
2 بصلة كبيرة
2فلفل اخضر رومى كبير
2 ملعقة سمنة
زيت للتحمير
ملح+فلفل اسمر + سنة بهارات + سنة كبابة صينى +كمون+شطة (حسب الرغبة)
الطريقة
· نعصج اللحمة
1. يفرم البصل فرماً ناعماً
2. يوضع البصل وعلية شوية فلفل اسمر بدون سمنة الى ان تجف مية البصل
3. ثم يوضع السمن والفلفل الاخضر(يدوب يدبلو)
4. ثم توضع اللحمة وعليها جوزة الطيب والبهارات والملح ونسيبها لغاية ما تغمق(ونخليها تتلسع شوية علشان تبقى ريحتها زى المشوية)
5. نحط عليها عصير الطماطم المتصفىوالكمون ونتركها حتى تتسبك تماماً
· تحمر شرائح البطاطس فى الزيت بس الصورة دى افتح شوية
· ثم ترص شرائح البطاطس فى صينية 
وتغطى بالعصاج ( يدوب يغطيها)
· وتدخل الفرن وتاخد وش(ولعى شواية الفرن عليها) وتؤكل ساخنة
وبالهنا والشفا
لو عايزين باقى الوصفات مش عايزة غير تشجيع من الفتوكات
والتقيم اللى يفتح النفسيلا بقى فين التشجيع مواضيع هذا القسم برعاية
زهرة سامح زهرة سامح 170251_3.gif فتكات رائعة Fatakat 170251 القاهرة – مصر