السلام عليكم يا فتوكاتى
انهارده هنعمل اكله لذيذه اوووووووووووى
بجد طعمها لا يقاوم ولا يمكن حد يدوقها ومش تعجبه
جربوها هتدمنوها على ضمانتى
فلييه بصوص المشروم
هى شبه البيكاتا شويه بس فيها اختلافات
البيكاتا بتتعمل بلحمه بتلو
وكمان فى اختلاف شويه فى التوابل والاضافات
بس قريبه منها فى الطعم كتير
الخلاصه لو عاوزه عشوه رومانسيه ومفاجئه حلوة لجوزك
اعمليها وخصوصا انها معروفه انها اكله شيك وبتتقدم فى احسن وارقى المطاعم
حلو التغيير صدقونى وبلاش كل يوم ملوخيه وباميه لما الراجل يطفش هههههههه
نبدأ بسم الله
المقادير
نص كيلو لحمه فيلييه
ربع كيلو مشروم فريش
كوب كريمه لبانى او قشطه او وش اللبن التلاته هيدوا نفس النتيجه
ملح وفلفل وبهارات وزعتر وزنجبيل
ربع كوب خل
سمن او زيت
3 ملاعق دمى جلاس باودر هندوبهم فى كوب مايه
بصله صغيره مقطعه رفيع
الطريقه
الاول هنتبل اللحمه بالتوابل مع الخل ونسيبها نص ساعه او اكتر حسب الوقت
بعد كده هنجيب طاسه نسخنها على النار كويس اووى
ونحط فيها سمن او الزيت وننزل بالحمه ولازم تعمل تشششششششش ههههههههه
هننشل اللحمه
وفى نفس الطاسه ننزل بالبصله يدوبك تصفر
وهتلاحظوا بواقى اللحمه وده مطلوب للطعم
وبعدين نزل بالمشروم ونقلبه شويه يتشوح
وبعد كده نضيف الدمى جلاس مع المايه
ونرجع اللحمه ونسيبهم يغلوا مقدار سواء اللحمه
فى الاخر بنضيف القشطه او الكريمه
هنلاحظ اللون افتح وطبعا الطعم يمممممممممىىىى لا يقاوم
ولو تلاحظوا انا مكتره الصوص لانى هستخدمه كصوص لاسباجتى
وده الشكل النهائى للطبق مع الاسباجتى
زووووووووووم
من فوق
زوووووووم للحمه
يا جمالو تصدعوا جوعت هههههههههه
انا هجوعكم يعنى هجوعكم
يا رب تجربوها بجد تحفه
ويا رب تكون عجبتكم
واى سؤال انا تحت امركم
ومتنسونيش من دعائكم يا فتوكاتى
وبرده التقييم وردودكم اهم
مواضيع هذا القسم برعاية
شروق الشمس 2024 شروق الشمس 2024 282785_28.gif ربنا يشفيكى يا أمى Fatakat 282785 مع جوزى – فى بيتى