ازيكم يا فتوكات
منورين الدنيا
انا عملت فبل كده موضوع عن الفراخ المقرمشة
وده اللينك بتاعه
https://fatakat.univanet.com/#5138626
ودى صورتها
وبفضل الله عجب كل اللى جربوه
النهاردة حأكمل بقية الوجبة
بالرز الريزو والبطاطس الودجز
والطريقة سهلة جدا كالعادة
دى صورة الرز
الرز ده بنقسم لتلات اقسام
الرز
الفراخ
الصوص
1 كوب رز مصرى
بصلة
معلقة صغيرة شطة(اختيارى)
معلقة صغيرة بابريكا
ملح وفلفل طبعا
معلقة كاتشب كبيرة
2 معلقة كبيرة صويا صوص
مكعب مرقة
طريقته شبه طريقة الرز بتاع السمك
بنحمر البصلة كويس
مش تصفر
لأ اكتر شوية
بس اوعى تتحرق منك
فى ناس بتكرمل له شوية سكر
بس انا مجربتش بصراحة
شايفة لون البصل ده اللى انا عايزها
بأنزل بالرز يسخن مع البصلة وباحط كل التوابل
والمرقة والكاتشب والصويا صوص
وازود كوباية مية
ويغلى غلوة واوطى النار علشان يتشرب
زى الرز العادى
كده الرز تمام
حنجهز الفراخ
ده صدر فرخة واحد قطعته مربعات
رشيت عليه ملح وفلفل وعصير ليمون
وتبلته من بالليل فى الخلطة دى
(نفس خلطة الفراخ المقرمشة)
مية بصل
توم بودرة
زعتر
ليمون او خل
ملح وفلفل
شطة
كاتشب
صويا صوص
وده شكل الصويا صوص اللى باستخدمها
فى منها الحلو والعادى بس اى نوع ينفع
ده شكل الفراخ فى التتبيلة
حنحط الفراخ المتبلة فى دقيق متبل بنفس البهارات وعلي رشة بيكنج بودر
ونطلعها نحطها فى المية اللى تبقت من التتبيلة
ونرجعها الدقيق تانى
ونقلى فى زيت غزير
الاول بيقى الزيت على نار عالية
وبعدين نهدى النار
وطبعا مش حتاخد وقت لانها مخلية ومتبلة كمان
كده الفراخ جهزت
اتبقى الصوص
معلقة كبيرة كاتشب
معلقة كبيرة صويا صوص او باربكيو صوص
معلقة صغيرة خل
شطة
(اختيارى)
نقلبهم مع بعض وخلاص
الوصفة دى زى بتاعة كنتاكى بالضبط
طريقة التقديم
الرز
فوقه الفراخ
فوقه الصوص
والنتيجة بتبقى بالشكل ده
مواضيع هذا القسم برعاية
فتاة المهمات الصعبة فتاة المهمات الصعبة 190913_15.gif Fatakat 190913 الرياض – السعودية