السلام عليكم ياحبيباتى
يارب كل اللى فى نفسها حاجه ربنا يحققهلها
صلوا على سيدنا محمد عليه الصلاة والسلام
انهارده كان نفسى اعمل كبده بطريقه مختلفه شويه فعملت كفته الكبده بالليمون وكانت حلوة قوى جدا خالص والله كانت روعه وعملت معاها محشى كرنب وورق عنب
الاول ياقمرررااااتتتتت لو سمحتواالتقيم لحسن
بسم الله الرحمن الرحيم
المكونات.. تقريبا 400جرام كبده..نص جزرايه ..وبطاطسيه وسط مسلوقه.. 3فروع شبت ..3فروع وكسبرة خضراء حاجه ..وبصله وسط ..وفصين توم..ليمونه..ملح ..فلفل..رشه قرفه..رشه حبهان..بهارات..كسبرة ناشفه
البصل والخضرة والتوم والجزر والتوابل
البصل بعد ماطحنته
ادى البطاس المسلوقه حطيتها ع البصل والجزروالخضرة والتوابل
الكبدة حطيت الكبده فى ميه وخل وليمون قبل ما اعملها
وبعدين طحنتها لوحدها بعد ماطحنت البصل والخلطه
وادى خلطه الكفته بعد لما خلصت وحطيت معلقتين دقيق ومعلقتين بقسماط وقلبتهم كويس علشان تمسك وحطيتها ف التلاجه نص ساعه
طبق الميه دة بناخد منه نقطه ونمسح بيها
باطن ايدينا قبل مانصبع عليها الكفته علشان متزلقش
قسمت الكفته على جزئين جزء صبعته ومدحرجتهوش على بقسماط
وده الجزء التانى من الكفته صبعته ودحرجته على بقسماط
قليتهم فى زيت سخن جداااااعلشان متفكش ورصيتهم فى صينيه وولعت فحمه وقدحت معلقه سمنه وحطيتها ع الفحم الله الله على الرييحه اكيييييد الريحه وصلتكوا صح وغطتها 10دقايق
دى كفته الكبده من غير بقسماط كانت تحفففففه تجنن
ودى كفته الكبده بالبقسماط كانت تحفففففه اكتر من راااااااائعه
دة غير ريحتها اللى قلبت الدنيا….وكمان حاجه تانيه الخلطه دى بتزود الكميه يعنى لو الكبده اللى عندك قليله متحتريش بفضل الله هتزيد .ان شاء الله هتعجبكوا امانه عليكى يافتوكه لوعجبك موضوعى من فضلك تقيمينى استودعكم الله الزى لا تضيع ودائعه مواضيع هذا القسم برعاية
كوين ام ام كوين ام ام 780607_14.gif سوبر فتكات Fatakat 780607 ……… – ………