السلام عليكم ورحمة الله وبركاته
انا حابة يكون اول اشتراك الي معكم في المدونة وبما انه انا من الاردن المنسف الاردن وهو اكلة كتير مشهورة عنا وطيبة جدا واتمنى الكل يعمله ويجربه
اول شيء والاهم في طبخ المنسف اللبن متى ما كان مطقن وزابط مية مية منسفك رح يطلع ولا اطيب ان شاء الله
مكونات اللبن عبارة عن ( لبن جميد انا بفضل السائل لانه اخف حدة في فصل الصيف , وشنينة وكيلو لبن رايب
)
وحتى يطلع طيب اكثر ضعي معلقة طحين وبيضة وقرصان من مكعب الجميد الخاص لعمل المنسف وهذا اختياري
ونخلط الجميع معا بالخفاقة اليدوية قبل وضعه على النار حتى تذوب كل الكتل ويصبح متجانس الخليط ثم يوضع على النار مع الاستمرار بالتحريك ( يجب الاستمرار بتحريك حتر ما يفرط معك اللبن ) وبعد ما يغلي اللبن يترك على النار بدون تحريك لمدة ربع ساعه ليتعقد منيح
https://files2.fatakat.com/2015/6/14017946593742.jpg
وبهذا الاثناء جهزي اللحمة واغسليه جيدا يوضع البصل مفروم قطع كبيرة لانه رح يتصفى وضعي فقط ورقة غار وسبع حبات هيل ومعلقة صغيرة من بهار المنسف وهذا يوضع في الاخر طبعا بهار المنسف
https://files2.fatakat.com/2015/6/14017946593742.jpg
ونفلفل ست كواب ارز صن وايت مع كاستين ارز بسمتي انا هادي طريقتي لتفلفل الارز وهيك بطلع معك مفلفل منيح وما بخبص ابدا
https://files2.fatakat.com/2015/6/14017946593742.jpg
وبعد ما تستوي اللحمة منيح صفيها من المرق وضعي اللبن المطبوخ واللحمة المستوية والمرقة بعد ما صفتيها منيح وخليها تطبخ جيدا اللحمة باللبن
اخر شيء والخطوة الاهم تحضير صدر المنسف اول شغلة بنحطة خبز شراك رغيف او تنين حسب الي بحب الفت ونشربه بقليل من اللبن ثم نضع الارز واللحمة على الوجه ويزين بالصنوبر واللوز والبقدونس المفروم ناعم
والف صحة وهنا وبكون ازكى لو اعملتي بعده دلة قهوة سادة يا سلالالام ……..
https://files2.fatakat.com/2015/6/14017946593742.jpg
مواضيع هذا القسم برعاية
وردة البادية وردة البادية فتكات جديدة Fatakat 1143715 الزرقاء – الاردن
