السلام عليكم ورحمة الله وبركاته
احب اولا اقدم حلة شكر لكل الى دخلت موضوعى
واحب اقولكم انى عارفه انكم داخلين تشوفوا شطارتى
انا بقى ياواختشى منك ليهابعد ماتثبت لى موضوعين البقسماط ووصفة الشعر
ادعى يابت يافتوكة وقولى يارب الباقى لاحط السيخ المحمى فى صرصور ودنك
انا بقى فكرت وقلت البانية والبفتيك الى بيعملة دة اشبة بكاوتش العربية
ياختى عملة للمورسى جوزى بعلولتى والراجل يعنى قعد يششششششششد فى البفتيك
وانا اقولة هو كدة البفتيك لالازم يتشد وخبيت المحروق واكلتة
لا مسمحلكيش تقولى انا مش شاطرة اوبدحك على الراجل
انا بس بحثت هنا ولقيت عمل البانية والبفتيك الطرى وعملت زيهم وعينك ماتشوف الا النور
ياختى البفتيك بقى زى الكاوتش فقلت بقى
اخفى مواهبى للمرة التانية عشان يحس بالفرق
جيت ياختى وعملت اية؟
ايوة هاتى رجلك الى بتسمعى بيها دى وقربى منى عشان اقولك
هتجيبى ياختى البانية اوالبفتيك
وتبليهم ببصل مبشور وطماطم مبشورة وفلفل اسود وشطة وملح وخل وليمون
وتحطيهم فى التلاجة اقلة ساعه ياختى
وبعدين انا قرات انة الاول بيض والتانى دقيق
ودخلت موضوع تانى لقيت الاول دقيق والتانى بيض
جابولى حول فى ودانى
قلت والله لهعمل بطريقة كل حاجة فى اى حاجة
وجيت يام محروس انتى وام شبارة منك ليها
وحطيت مرة بيض وبعدين دقيق وبعدين بيض وبعدين بقسماط
ومش هتشترى بقسماط ادخلى موضوع البقسماط وانتى هتعملية ببلاش
وبعدين لما تخلصى كلة تحطية فى الفريزر 5 دقائق وتطلعى تقلى فى زيت غزير
وهتاكلى احلى بانية او بفتيك
بس ياختى مورسى بعلولتى اول ماشافة قالى امال الاولانى كان اية
وبرضة عينك ماتشوف الا النور
ولانة الجبن سيد الاخلاق ياوختشى قلتلة اسكت ياحبيبى
مش دى طريقة ودى طريقة الاولى كانت البفتيك الناشف
قالى الناشف برضة ولا المحروووووووووق
قلت ياوختشى افيدكم بدل ماحزلقوم جوزك يخليكى تشوفى ودانك تستفيدى وتعملى احلى بفتيك وبانية
بس ياوختشى منك ليها
طبعا تنزلى تحت تقولى بوقين حلوين وتطلعى فوق ترزعيلى الخمس نجوم
4 لالالا 3 اخليى الدنيا حواليكم لونها فحلقى
اوعى يام سحلول تخرجى من غير ماتردى
وانتى خارجة سمعينى سلام
ياليلة ماجانى حرامى وزق علية الباب
اتدحرجت انا تحت الكنبة وقلت ياليلة هباب
مواضيع هذا القسم برعاية
اميرة الاسلام فى قلبى اميرة الاسلام فى قلبى 757298_13.gif فتكات ست الكل Fatakat 757298 المنصورة – مصر
سبحان الله و بحمده