السلام عليكم ورحمة الله وبركاته
وحشتونى جدا
يمكن محدش فاكرنى لانى بقالى سنه منزلتش اى حاجه بس انا انهارده رجعالكم بفراخ تكا بطريقتى ودى اختراعى حصرى جدااا وممنوع الغش
اتفضلوا الاول:
المقادير : فراخ مخليه (انا خليتها بنفسى فى البيت واحتفظت بالعضم له اهميه كبيره جدا)
الخلطه عباره عن : زبادى – بصله مبشوره – معلقة صلصه – بهارات وملح وفلفل اسود – كاتشب – مسترده – لمون
هنحط فيها الفرخ ونسيبهها ليله او على الاقل ساعتين تلاته
عشان نسويها بقى هنعمل الاتى: هنجيب صينيه اوك ونحط فيها ورقة فويل ومحدش يقولى نحط مايه لا لا هنحط ورقة فويل ونحط شبكه الفرن او زيى انا هنا عندى شبكه منفصله حطيتها على الصينيه ودخلتها الفرن تسخن جامد اوى اوى بدون الفراخ اوك
اول لما تسخن نطلعها ونحط عليها الفر اخ هتعمل تشششششششششششش وهتلاقى علامات الشبكه اتعملت فى الفراخ وهتديكى منظر جميل
طيب انا ليه قولتلكوا فويل مش مايه
عشان المايه لما تسخن هتعمل بخار هيطلع على الفراخ هياخد الخلطه وينزل بيها فى الصينيه وكدا الفراخ مش هتحتفظ بالخلطه ماشى
هندخلها الفرن ومش هتاخد معاكى 30 – 45 دقيقه على درجة 200
وقبل ما انزلكم صورتها هنا بقى انا جيبت العضم والرقبه والكبد
وغليت مايه كويس وحطيت فيها العضم مع جزره وبصل وورق لورا وروز مارى وملح وفلفل اسود وسيبتهم على النار لغاية لما المايه بقي النص
بجد بتعمل شوربه هايله جدااااااااااااااااااااااااااااا
انا هنا عملت عليها محشى كرنب وشوربة لسان العصفور
ودى صورة الفراخ
وادى صورة الاكل كله مع بعض
ولو الموضوع عجبكم ياريت تقيمونى وتسيبولى رد حلو او وحش بس اعرف رأيكم ولنا لقاءا اخر ان شاء الله
ملحوظه: ام ياسين دى انا الموضوع مش منقول بس انا هغير اسمى هنا ان شاء الله
السلام عليكم مواضيع هذا القسم برعاية
أم ياسين العسل أم ياسين العسل images/avatars/guitar.jpg فتكات رائعة Fatakat 10992 القاهره – مصر