اولا ده اول موضوع ليا هنا وانا عاوزه ردود تجبر بخاطرى ويارب اكلى وطبخى يبقى حلو
وانا كمان لسه خطوبتى الشهر ده ولسه بتعلم جديد فا ادعولى ربنا يوفقنى
مش هطول علييييييييييييييييييييييييكو يلا نخش على المطبخ ورايا
المقاااادير
نص كيلو ممبار متنظف جاهز
طماطم معصوره عصره واحده فى الخلاط
.نص كيلو طماطم مقطعه مربعات صغيره
6بصلات مفرومين ناعم
كيلو الاربع ارز مصرى مغسول
2حزمه شبت
.2حزمه بقدونس
معلقه كبيره كمون
2معلقه كبيره ملح
وراياااااااااااااااااااااااااااااا على الطريقه
هنجيب طبق بلاستيك ونغسل فيه كل الخضار كويس وبعدين هنغسل الارز كويس
هنجيب طبق تانى ونحط فيه البصل والخضره والكمون والملح ونحط بعديهم الارز والطماطم
هنجيب الممبار ونمسك بايدك الشمال طرفين الممبار وبايدك اليمين تحشى
فى الحشو بقى ما تحطيش كتير علشان ما يفرقعش فى السوا
نيجى بقا للسلق هاتى حله كبيره واملى نصها مياه وهاتى بصله واقطعيها اربع تربع او نصين وورق لورو وملح وفلفل ولمون وحبهان وسبيها تغلى
بعد ما تغلى جامد حطى الممبار بالراحه ومش كله مره واحده وبعديها ب 10 دقايق بصى عليه وشوفى الارز استوى ولا لا استوى طلعيه ما استواش سيبيه شويه كمان بس من غير ما يتهرى
وبعد ما نطلعه من السلق نسيبه نص ساعه بره يستريح وبعدين نجيب طاسه غويطه او مش لازم لو مش عندك ونحط فيها زيت كتيييييير اوى ونحط واحده واحده وهو بيتقلى نقلب على الناحيتين علشان ما يتحرقش
وبكده نكون خلصنا ارجوكو قولو ردود حلوه لانى تعبت اوى فى الموضوع وادعولى ربنا يوفقنى ويوفق كل البنات الللهم امين
ولو لقيت تفاعل هنزل مواضيع كتييييييييييييييير
باااااااااااااااااااااااااى
ودى صورته وشكله النهائى
مواضيع هذا القسم برعاية
مش عايزه غيرك من الدنيا مش عايزه غيرك من الدنيا 1083547_24.gif فتكات نشيطة Fatakat 1083547 cairo – egypt