هادخل فى الموضوع على طول علشان جوزى قرب ييجى
والعواقب هتكون وخيمه لو لقانى قاعده على فتكات ههههههه
المقادير
ممبار متنضف كويس جدا ومنزوع منه أى دهون
رز
طماطم منزوعة البذور
قرن فلفل حامى
بهارات مشكله (فلفل كمون كسبره قرفه نعناع جاف جنزبيل )
ملح
بقدونس شبت كزبره خضرا
بصل
فصين تلاته توم
زيت حوالى 5 م كبيره
حبهان قرنفل ورق لورا مستكه قرفه عيدان
الطريقه
هنضرب الطماطم والبصل والتوم والفلفل الحامى فى الخلاط
وبعد كده هننقله فى طبق بلاستيك كبير
ونقطع عليه الخضره ونضيف الملح والتوابل المطحونه والزيت
نغسل الرز كويس بعد ما ننقيه وننضيفه لباقى المكونات ونقلب كله مع بعضه
ولحد هنا والكاميرا فصلت شحن بس لحقت ألقط صوره كولشن كان ههههههه
وبعدين نحشى الممبار عادى
ونغلى مقدار مناسب من الميه فى حله كبيره شويه
ونضيف ليها التوابل الخشنه والملح وبعد ما تغلى نسقط الممبار
ونسيبه يستوى
وبعد كده ننشله ونحمره
باى بقه علشان حبيبى وصل
باحبكم فى الله
مواضيع هذا القسم برعاية
قطعة جاتوه قطعة جاتوه 433121_12.gif فتكات رائعة Fatakat 433121 بيتى حبيبى – الدنيا