عندي طريقة صدور فراخ هايلة بالزبادي والمسطردة
الاولاد بيحبوها جدااااااااا لانها بتبقي مقرمشة وطعمها تحفة
جربوها وحتدعولي
المقادير
1/2 كيلو صدور فراخ
1 كوب زبادي
2 معلقة مسطردة
2 فص ثوم كبير
2 بيضة
1 معلقة خل (في حالة عدم استخدام المسطردة فقط )
ملح
فلفل
رشة بابريكا (اختياري )
بقسماط اوفيجيتار
زيت للقلي
الطريقة
1- تنظف صدور الفراخ وتغسل جيدا بالملح والليمون
2- تشق الصدور نصفين (كل ما تكون رفيعة يكون احن عشان تستوي )
3-في طبق غويط يتم ضرب اللبيض بالشوكة جيدا مع الملح والفلفل
4-يتم اضافة المسطردة او الخل الي الخليط
5- يضاف الزبادي ويخلط مع الخليط
6-يهرس الثوم جيدا جدا ويضاف للخليط
7- تتم اضافة الصدور وتقلب جيدا في الخليط حتي تتشبع المكونات وتترك بالثلاجة لمدة ليلة كاملة (يفضل)
او لمدة 3 ساعات علي الاقل
8-يتم تحضير الزيت ويتغمس الصدور في البقسماط او الفيجيتار خسب اختيارك (اذا استخدمتي فيجيتار لا تكثري من الملح لان الفيجيتار بيكون فيه ملح )
9-تحمر الصدور في الزيت علي نار متوسطة حتي تمام النضج
10-تخرج علي ورق ماص للزيت
وتجمل باوراق البقدونس
وتقدم
وبالهنا
ملحوظة
تعتبر صنف جانبي ومكن تقدم مع المحاشي واطباق الارز والخضار
ومع الشيبس والمخللات
وايضا ممكن عملها ساندوتشات روووووعة مع المايونيز والخيار المخلل
وبالهنا
مواضيع هذا القسم برعاية
smsmaih smsmaih 193267_4.gif فتكات رائعة Fatakat 193267 الاسكندرية – مصر