ازيكو يا بنانيييييييييييييييييت ياحلووووووووووووين
انا مش هرغي كتير
طبعا كلنا طالعين من العيد كلنا لحمة كتير وشوينا وعملنا فته
بس انا الحمد لله معملتش حاجه وكلت ع الجاهز عند حماتى اصلي عقبال عندكو حامل وعلي اخرى ومش قادرة اعمل حاجه
النهاردة قولت في بالي لما اعمل لجوزى اي حركة كدا قبل مااولد واتشغل مع النونو
فعملت له صينيه بطاطس في الفرن باللحمة الضاني وشوية رز بالشعرية
معلش سامحونى معرفتش اصور بالخطوات اصلي كنت خلصانه خالص
يالا بالهنا والشفا بقي
اقولكو بقي عملت ايه
طبعا جبت بصلتين وفرمتهم في الكبه او تبشريهم وحطيت عليهم ملح وفلفل اسمر وكمون وقرفة وجنزبيل وكل التوابل اللي انتى بتحبيها
وقلبتهم مع بعض كويس
وطبعا ضربت الطماطم في الخلاط كويس اوى وصفتها وحطيتها علي البصل طبعا هتقولو من غير ماتحمرى البصل
اقولكو ايوة عشان شوربة الضانى تقيله مش ناقصه كمان نحمر البصل
المهم قلبتها كويس وحطيت شوية زيت وحته زبدة صغنونة كدا وسيبتها تتسبك شوية وبعدين قشرت البطاطس وقطعتها مكعبات وحطيتها فيها
وزوتها شوربة عشان تستوى كويس وغطيتها
وحطيتها تغلي علي النار من فوق عادي لحد ما استوت
طبعا كنت سلقت اللحمة وحطيت معاها ورق اورا وحبهان وقرفة عيدان وتوابلك الجميله بقي
طلعت اللحمة من الشوربة وحطيتها علي صينيه البطاطس ووبيني وبينكو دهنها حته زبدة وحطيتها تحت الشواية
طبعا البطاطس اخدت لون مع اللحمة وبقت ميه ميه
والرز بالشعرية مافيش اسهل من كدل حمرت الشعرية وحطيت عليها الشوربة وبعدها الرز وقلبت تقليبه كدا وغطيته وسيبته يغلي ولما اتشرب خالص حطيت عليه حته زبدة بردو وسيبته لحد مااستوي
يارب يعجبو جوزى وميتريقش عليا
مواضيع هذا القسم برعاية
mirototo mirototo 787647_1.gif فتكات متميزة Fatakat 787647 القاهرة – مصر