السلام عليكم ورحمة الله وبركاته
مسا النور على كل الموجودات وكمان الغير موجودات
اولا دى صورة تشويقيه وبس يعنى محدش يقوللى هاتى حته
شوفو شكلها حلو ازاى انما طعمها بقى مقلكومش عليه
يلا بقى نبدأ بسم الله
انا بجيب اللحم الفليه ويكون رقيق جدا بتبله بملح وفلفل اسمر
واسيبها حوالى ربع ساعه
وبعدين اجيب الطاسه واحط فيها ملعقتين زيت واسخنها اوووى وانزل اللحمه فيها تاخد صدمه من الناحيتين
وبعدين اشيلها فى طبق على جنب زى كده
وفى نفس الطاسه احط ملعقتين زيت تانى واقطع بصله كبيرة مكعبات صغيرة
واشوحها شويه واضيف لها ربع ملعقه كسبره ناشفه وربع ملعقه زعتر واقلبهم شويه
وبعدين اضيف نصف كوب مشروم واقلبهم
واضيف ملعقه ونصف دقيق واقلب كويس
واضيف اللحمه عليهم واقلب وبعدين اضيف كوب لبن كامل الدسم+ربع كوب قشطه+نصف كوب شوربه دسمه برده بجد بتعطيها طعم جميل جدا ومبتكونش تقيله ولا حاجه ورشه ملح
واغطى عليها واخلى النار هاديه لغاية لما تستوى والصوص يتقل شويه
وده كان شكلها النوهائى يا سلام بقى لما تعملى المكرونه الاسباجيتى معاها وتحطى الصوص الرائع بتاع البيكاتا عليها يا خراااااااشى على الجمال ودى كمان علشان اجوعكوا
بجد والله تستاهل التقييييييييم واللى مش هتقيم هى حرة هطلعلها الواللى هتقيم تبقى حبيبتى حبيبتى حبيبتى حبيبتى حبيبتى 5حبيبتى
اترككم فى رعاية الله وامنه
مواضيع هذا القسم برعاية
منافسه&حب منافسه&حب 911770_2.gif فتكات رائعة Fatakat 911770 cairo – ام الدنيا
سبحان الله و بحمده