السلام عليكم ورحمه الله وبركاته ازيكم يابنات ويا امهات ويا احلى فتوكات
هدخل فى الاكلة ونبطل كلام
نجيب الكوارع ونغسلها كويس
بغسلها بدقيق وملح للاحتياط
بضع التوابل اللى هى
2عود قرفه
ورق لورا
قرنفل
فلفل اسود
ملح
جنزبيل ناعم رشه خفيفه
بصله مقطعه اربعه
الطريقه
نضع الحله على نار بداخلها ماء لحد الغليان وبعدين نضيف الكوارع
تترك على النااااااار حوالى من ساعتين الى ثلاثه ساعات حسب الحجم
تعالو نجهز الفته
انا بحمس العيش البلدى المقطع مع ملعقه سمنه بلدى و2 فص ثوم مهروس تتحمس اما على النار او فى الفرن
وبعدين نسخن الطاسه ونضع فيها ملعقه سمنه وبعدين الثوم مع رشه خفيفه كسبره ناعمه
حتى يحمر الثوم وبعدين نضيف 2 ملعقه خل وبعده كده نضيف الطماطم المعصوره حوالى حبتين
حتى تتسبك
ناخد 2 ملعقه من الصلصه نضفها على العيش المحمص ونقلبهاااااا وبعدين نضيف شوربه الكوااااارع
نغطيها ونتركها جانبا لمده بسيطه حتى يتشرب العيش من الشربه
ونغطى طبق الفته بالارز الابيض
وباقى الصلصه مع شويه شوربه(كبشه فقط)نغليها مع بعض ونضفها فوق الارز
الكوارع طبعا استوت كويس علشان تكون لذيذه نطلعها من الشوربه ونصفيها وبعدين نحمرها
فى 2 ملعقه سمنه بلدى
وده شكلها النهااائى يا رب تعجبكم
دلوقتى هنعمل الممبار
بعد الغسيل والكحت والنقع فى الملح والخل
الحشوه تختلف من شخص لاخر انا احب لما تكون الممبار ضانى ان يدخل فى الحشو لحمه مفرووووومه وقليل من الطماطم المقطعه مكعبات
انما فى الممبار البقرى
خليط من الطماطم المسبكه او صلصه
بصل مقطع
شبت+بقدونس+كسبره+فلفل اخضر
ارز مصرى غير منقوع
طماطم مقطعه مكعبات صغيره
زيت
شطه+ملح+فلفل+اى توابل تفضليها على خلطه المحشى
(((كيلو نصف ممبار معها حوالى 3 كيلو ارز))
نخلط كل المكونات مع بعضها ونبتدى فى حشو الممبار بعد تقطيعه الى الطول المناااسب
انا مش بربط الممبار لانه اول ما بينزل فى الماء بيقفل من الاطرااااف
طبعا ده جزء من الممبار
نضعه فى الماء المغلى مع اضافه الملح
نتركه حتى ينضج تقريبا ساعه الا ربع
نطلع الممبار من الحله ونحطه فى مصفى حتى ينشف تماماا من الماااااااااااء
مهمه الخطوه دى علشان التحمير
نحمر الممبار فى زيت ساخن من كل الجوااااااااانب حتى يكتسب اللون الذهبى
ونطلعه على ورق مطبخ حتى يمتص الزيت الزااائد
وده شكله النهائى
وده من الدااااخل احمر وفى نفس الوقت طرى من الطماطم المقطعه والبصل
بالهنا والشفا يا احلى اخوات فى منتدديانا فتوكاتى
( ومش تنسونى بتقيييييييم الاكلة الجامدة دى ) مواضيع هذا القسم برعاية
بوسى 666 بوسى 666 785643_5.gif فتكات متميزة Fatakat 785643 الاسكندرية – مصر