ازي الفتوكات الحبوبات
وحشتوني يا
عسلات
انا انهارده جايبالكم طريقة المندي
انا قرأت مواضيع كتير عنه
بس الطريقة دي غيييييير.
سهلة وبسيطة جدا جدا
ندخل علي المقادير والطريقة علي طول
اولا : المقادير
نص كيلو لحم وخمس اوست فصوص حبهان
وزيهم قرنفل وبصلة واربع فصوص ثوم
وملح وفلفل وكمون وكركم
والرز طبعا
ثانيا : الطريقة
اول حاجة نحط حتة فحم علي النارتتحرق
وبعدين نطحن الحبهان والقرنفل والفلفل
الاسودوالكمون في الكبةاو المطحنة
وبعديهم نطحن البصلة والتوم
زي كده
وبعدين نحط عليهم معلقتين كركم علشان يبقي لون الرز أصفر
ونقلبهم في بعض كويس لحد ما يبقي زي العجينة كده
ونتبل بالخلطة دي اللحمة كويس قوي
ونحطها في حلة محكمة الغلق
وبعدين نروح للفحمة زمانها اتحرقت من بدري
ناخده ونحطها في قشرة بصلة
وفي قلب الحلة ونحطها
ونحط عليها معلقة زيت علشان تدخن
ونقفل عليها كويس
ونسيبها شوية كده
تاخد الريحة
خلاص كده اللحمة أخدت ريحة الفحم
نطلع الفحمة منها ونحطلها
من الجنب بالراحة خالص شوية ميه
تستوي فيها اللحمة نص سوي
ويسلام لو عندك بقي حلة الضغط
البخار يعني
بتخلصي بسرعة
خلاص اللحمة استوت
بنكون مجهزين الرز
ونحط عليه اللحمة بالخلطة
بتاعتها
ونزود ميه علي قد الرز ما يستوي
زي ما بتسويه عادي
معلش نسيت اصور الخطوة دي
وبعدين تغرفيه بقي
ودوقي احلي طعم للرز واللحمة
ياريت بقي تجربوها هاتجبكم جدا
ان شاء الله
ملاحظات علي الوصفة
1:انا جربتها بالفراخ طلعت حلوة مش بطالة
بس لما جربتها باللحم كانت في منتهي الجمال
والطعامة
2:لوهاتعمليها بالفراخ بتسوي الفراخ نص سوي
لكن لو باللحم يبقي يفضل اللحمة تستوي كويس
وبعدين هاتحطيها علي الرز عادي
انا هنا عملتها بشرايح لحمةضاني
شولدر مستوردبصراحة تحففففففة
3:الكركم لازم وضروري فيها اولا لانه مفيد
وثانيا بيدي الرز لون اصفرجميل وطعم مختلف
4:لو عايزة بقي تضيفي من عندك حاجة تانية
زي الزنجبيل وشطة لو بتحبيهم
عادي هايبقي طعمها حلو برضه
معلش بقي هو الرز مش باين انه اصفر
بس ده عيب التصوير
وفي النهاية يارب تعجبكم الوصفة
وادعوا بقي لمصر ربنا يحميها ويحفظها من كل سوء
ومتنسوش التقيييم
يا فتوكات
ياللا اسيبكم بقي
في رعاية الله
مواضيع هذا القسم برعاية
لولووميمونة لولووميمونة 487387_1.gif فتكات متميزة Fatakat 487387 ماليزيا – ماليزيا