صباح الخير يا بنات
كل سنه وانتو طيبين
عملتلكو طبق حلويات المدبح يارب يعجبكو
نخش في الموضوع علي طول
المكونات الي استخدمتها كبده بلدي
لحمه راس
لحمه مفرومه للكفته
لحمه بقري للفته
ممبار طبعا
اولا حاجه الكبده تبلتها بمايه بصل و فصين توم وملح وفلفل وبهارات ونص ليمونه سبتها تتبل شويه
هنا اللحمه المفرومه تبلتها ببصل مفروم وملح وفلفل وبقدونس وبهارات لحمه وكورتها وحمرتها في حتته سمنه
هنا الممبار بعد ما نضفته وديه طرقته بالتفصيل
ممبار وفته من ايد ام كيمو مش هتقدري تقومي
وديه لحمه الراس هي بتبقي سمينه كده
بنسلقها عادي في مايه مغليه وورق لوري وحبهان ومستكه وبصله كبيره وملح وفلفل ولما تتسلق بتتقطع صغير عشان التحمير
هنا الممبار بعد ما سلقناه وحمرناه
هنا حطينا الكبده تتشوح في حبه زيت
هنا الكفته حمرناها في معلقه سمنه وشيلناه في طبق علي جمب
هنا قطعناه اللحمه الراس بعد السلق وقطعنا وحديتين ممبار مع الكفته والكبده وهنحمرهم مع بعض في شويه زيت
هنا الشكل النهائي للطبق ورصته علي جرجير
وهنا طبق الفته والينك بتاع الممبار في طريقتها بالتفصيل
وعملت جمبيهم سلطه بابا غنوج وسلطه طحينه
انا كده خلصت يارب الاكله ديه تعجبكو
عايزه دعوه منكو ربنا يرزقني الزريه الصالحه ويخليلي ابني
في امان الله
سلام يا حلوين
مواضيع هذا القسم برعاية
ام كيمو الامور ام كيمو الامور 466693_2.gif فتكات ست الكل Fatakat 466693 حلوان – مصر