بسم الله الرحمن الرحيم
ده اول موضوع ليا فى فتكات ويااا رب بقا يعجبكم وتدعولى بدل ما تدعو عليا
بصو بقا يا بنات انا عملته بطريقة مختلفه شوية بس والله رووووووعه وعجبت جوزى اوى مع انه مش من السهل انه يعجبه حاجه
مش هطووووووول عليكم اكتر من كده وتعالو بقا نشوف المقادير والطريقه :
المقادير : ملح . فلفل . بهارات . ليمونه . شطه . طماطمايه . بصلايه . حوالى 4 فصوص توم . زيت . صدور فراخ مخليه
الطريقه بقا : بنضرب كل المقادير دى فى الخلاط مع بعضها بس من غير الزيت
وطبعا من غير الفراخ هههههههه
الشطه على حسب الرغبه اما بالنسبة لباقى المقادير فانا بحط بالبركه كده وبدوق التتبيله بعد ما بخلطها لو حسيت انها نقصة حاجه بزود
اما بيتخلط كل ده بحط عليهم شوية زيت زيتون او زيت درة صغيرين وبحط الخلطه على صدور الفراخ وومكن يكون فى وراك عادى مفيش مشكله بردو وبسيبه لمده ساعتين او اكتر على حسب بقا
بعد كده باخد الفراخ بالتتبيله وبشوحها حاجه بسيطه على النار وبجيب العصيان الخشب الستيكس اللى هى شبة الخله دى مش عارفه بصراحه اية اسمها
وبكون مقطه طماطيه وفلفل مكبب قطع مكعبات كده بحط قطعه طماطم قلطعه فلفل قطعه فراخ وهكذا لحد اما املى العصايا الخشب دى بس طبعا متزوديش عن 3 قطع عشان العصايا الخشب متتكسرش
وبعد اما اخلص بجيب الصنيه وبرص العصايا الخشب اللى فيها الفراخ وبحطهم فى الفرن على نار متوسطه مع المتابعه والتقليب
واما بحس انهم مقربيين يستوا بجيب كوبايه بحط فيها شوية زيت صغيرين فى وسط الصينيه وبكون مولعه الفحم وبحطه فى الزيت وبقفل عليه بورق فويل وبسيبة لمده 5 او 10 دقايق
ويتقدم مع ثوميه و عيش او مع المكرونه وبالهنا والشفا
ويا رب اكون عرفت اكتب باسلوب كويس عشان انا لخمه اوى فى الحاجات دى
دى صورته النهائيه بعد ما خلص
ان شاء الله الموضوع الجاى هكون مصورة الخطوات اول باول عشان اقدر افيدكم معايا واسهل الموضوع عليكم لانى اما طبخت مكنش فى بالى انى هنزل الموضوع على الموقع مواضيع هذا القسم برعاية
enta.7beby enta.7beby 368044_3.gif فتكات رائعة Fatakat 368044 egypt – United Arab Emirates
سبحان الله و بحمده