السلام عليكم ورحمه الله وبركاته:.
ازيكم يابنات
انا من فتره عملت بيكاتا بالمشروم ورز بالجزر
مبدائياً كده دي بيكاتا خدت طريقتها من شيف علاء شربيني عشان في وحده صحبتي قلتلي ده فول ههههههههههههههه عشان هي شكلها زي فول قلتلها والله بيكاتا
نبداء
المقادير:.
صدور فراخ اي عدد تحبيه وعلبه مشروم وثووم وكريمه لباني
الطريقه:.
هنجيب طاسه كبيرا ونحط فيها ملعقتين كبار زبده ونمسك صدور فراخ نحطها ف طبق كبير ونحط عليها ملح وفلفل اسود وشويه ثوم حوالي 2 مدقوقين كويس او مفرومين ونقلب كلو ع بعضو ونمسك شوي دقيق ونقلب فيه صدور فراخ
بعد كده
هتحطي ف طاسه ملعقتين كبار زبده وتشوحي الفراخ كويس اوووووي زي كده
بعد كده هنشيل الفراخ ال شوحناها ونحطها ف طبق ونبداء نحمر المشروم ونحط عليه نصف كوب مياه سخنه مدوب في مرقه دجاج ونحطها ع المشروم ونحط الفراخ ونسيبهم مع بعض
سيبتها شويه تغلي حوالي 10 دقايق بعد كده حطيت نص كوب كريمه لباني وممكن تستغني عن كريمه لباني وتحطي بدالهم نصف كوب حليب مدوب فيه ملعقه كبيرا دقيق
وتسيبها تغلي كويس اوي وتقدميها وده شكلها
هي مش واضحه اوي لاني خليت صوص تقيل اوي وكمان عملاه غامق عشان المرقه ال حطيتها
طريقه عمل رز بالجزر والزعفران طعمو روعه:.
محتاجين 2 كوب رز بسمتي
وجزره كبيرا مبشوره
وبصل وثوم
هنجيب حله ونحط فيها شويه زيت ونحمر البصله صغيرا مع فصين ثوم كويس بعد كده هنحط الرز البسمتي ونقلبو شويه وبعد كده هحط عليه مياه واسيبو يستوي عادي جدا ونحط الملح وشويه حبهان وزغفران
بعد كده هنجيب طاسه صغنونه ونحط فيها الجزر المبشور ونحمرو ف شويه زيت ونحطو قبل مايستوي بشويه الرز ونقلب جامممممد اوي ونخليه مع الرز شويه ونقفل وكده جهز معانا وده شكلو
ممكن طريقه تانيه للرز
بعد مانشوح البصل هنشوح معاه الجزر ونحط الرز والمياه ونسيبو يغلو ويستوا مع بعض
ع فكره الجزر ف طريقه الاولي بيكون مستوي لانو الجزر بيكون مبشور يعني رقيق اوي
يارب تكون الاكله عجبتكمممممممممم
وياريت تردو عليا والله الا ماهترد هجري وراها بالمقشه ف منتدي ها رايكم ايه بقي متعصبونيششششششششششششششششش
مواضيع هذا القسم برعاية
انا مطمنه طول منا مع ربنا انا مطمنه طول منا مع ربنا 39458_45.gif ممنوعة من المشاركة Fatakat 39458 في السعوديه(جده حببتي)وقريب جدا الدمام – فسعوديه