السلام عليكم
بسم الله الرحمن الرحيم
من غير رغى الصورة دى لاول واحدة هتقيم اما دى فعلشان وانتو تعرفو انه مصغر
الحكايه بدات لما حوزى كلمنى من برة وكنا متفقين نتغدى سمك ولما نزل السوق ما لقاش وكلمنى وهوا تحت البيت متنرفز وقالى طلعى لحمه من الفريزر واطبخى ؟؟!!
انا بصيت فى الساعه لقيتها 2 وربع
اطبخ امتى وهنتغدى امتى
المهم طلعت اللحمه وقررت انى ما اعملهاش طبيخ
قررت انى اعملها كباب حله وبعد ماقطعتها صغيرين وبخرط البصل
بنتى جت بتقلى بتعملى ايه ياماما قلت لها كباب حلهقالتلى يوووووووووووووووه كل شويه انا زهقت منها نفسى فى كباب بجد وصممت وعيطت ؟؟؟
انا بقى اعمل ايه قلت لها ماشى فكرت اعمل كباب فى الطاسه الشوايه بس انا ما عنديش خشب للشوى فكرت فى خل الاسنان الصغير ايوة ونفع دة
وبعد كدة اللحمه المقطعه دى والطماطم
والبصل كان ورا الخشب (خل الاسنان )ههههههه
وبعد كدة قلت اعمل خلطه تخلى اللحمه ع الشوايه تستوى بسرعه فكرت اعمل خلطه ميه وزيت وخل وبهارات لحمه وملح وفلفل وكمون وحبهان وشطه وقلبتهم زى مانتو شايفين
وحطيتهم فى العجانه وحطيت فيهم الكباب المصغر هههههه ودى صورة لاول واحدة عملتها بالبصل بس
وبعد كدة عملت بالبصل والطماطم وحطيتهم كلهم فى الخلطه زى الصور
وبعد كدة حطيت الشوايه ع النار وسخنت فيها حبه زيت
وبعد كدة حطيت الكباب المصغر ولما حسيت انه ممكن ينشف زودت عليه الخلطه السائله معاهم
عشان يستوى بدون ما ينشفو وكانت النتيجه روعه وعلى فكرة انا لما خلصت الخشب اتضريت احط الطماطم والبازنجان والبصل جنب الكباب يستوو سوا
زى الصورة دى
نسيت اقلكم ان انا عملت كمان مع البصل والطماطم قطع بازنجان
مواضيع هذا القسم برعاية
زوجةرجل حنون زوجةرجل حنون 523504_2.gif فتكات متميزة Fatakat 523504 بحرى بورسعيد وقبلى سوهاج – مصر