السلام عليكم ياأجمل فتوكات
انا عضوة معاكم فى المدونة من فترى
لسة مليش اصحاب هنا وكنت مترددة اشارك
يعنى مشاركاتى بسيطة
بس بحب المدونة جدا ومبيعديش يوم امن غير ماادخل
المهم انى النهاردة انا حبيت اشارككم بأكلة متواضعة من مطبخى
يارب تعجبكم
المكونات
*دجاج
سواء دجاجة كاملة وتقطعيها صدور وراك فراخ مخلية وممكن تتعمل بلحم
*ارز بسمتى او اى نوع تحبيه
*بصلة كبيرة مقطعة شرايح
*زيت
*بهارات كاملة
(قرفة _قرنفل_حبهان_ورق لاورو_ليمون مجفف)
*بهارات مطحونة
(بهارات_فلفل اسود)
نبدأ بقى
هنحط حلة على النار ونحط شوية زيت تقريبا ربع فنجان
لمايسخن الزيت هنشوح البصل ولما يصفر نبدأ نضيف التوابل
نشوحهم مع البصل ونضيف الفراخ ونشوحها معاهم كويس
ودى الفراخ بعد مااتشوحت
بعد كدة هنضيف الماء وعايزة انبه الفتوكات لحاجة المفروض لما نيجى نشوح حاجة
فراخ لحمة او حتى رز يبقى نضيف الماء سخنة ومغلية مش باردة
هنغطى ونسيبها لحد ماتستوى انا سويتها فى حلة الضغط يادوب اخدت 10 دقايق
لما تستوى ممكن ضيفى الرز عليها وتسيبيه يستوى
او تطلعيها وتحمريها زى ماانا عملت
نشوف طلعت الفراخ من الشوربة
وبعدين انا صفيت الشوربة من البصل والبهارات وغسلت الرز
حطيت الرز فى حلة ومعاه الشوربة
هنسوى الرز عادى نغطى عليه ونسيبه يغلى ولما يتشرب نوطى علليه ونسيبه يستوى
وعلى ماالرز يستوى تعالوا نحمر الفراخ
ن
ونحمص اللوز وانا بحب احمصه فى الفرن
ونشوح الزبيب
المكسرات والزبيب حسب الرغبة والذوق يعنى اللى تحبيه ضيفيه اختيارى يعنى
الررز استوى خلاص نحطه فى الطبق ومعاه المكسرات والزبيب
ونحط الفراخ على الوش ودة شكله وقت التقديم
وسلطة زبادى بالخيار والنعناع
(زبادى مع خيارة مبشورة ومعلقة نعناع ناشف)
يارب تكون عجبتكم
واحب فى نهاية الموضوع اشكر الادارة
ومشرفتنا واقع الايام عن المعلومات القيمة
عن تعديل وتصغير الصور
الموضوع خد منى وقت ياريت بقى الردود
والا
هزعل منكم ومش هنزلكم مواضيع تانى
بحبكم فى الله مواضيع هذا القسم برعاية
ملك عمرى88 ملك عمرى88 180071_1.gif فتكات متميزة Fatakat 180071 دبى – الامارات