اهلا وسهلا بيكم ياحبيبى وحشتونى موووت جيبلكم بقاد ديك رومى ومحشى وخطوة خطوة لاحلى لكم ياجمال يلا بقى اسيبكم مع الوصفة
دة الديك الرومى بعد مااتغسل وحجمة 4 كيلو
ونتبل الديك
التتبيلة
بصل وبهارات مشكلة وفلفل وكمون وملح وتخلط جميعا وتتبل التتبيلة فى الديك الرومى من برا وجوة ودى صورة التتبيلة
وبعدين يتحط فى حلة كبيرة ودة شكلة فى الحلة وقبل ماتحطى الديك الرومى فى الحلة حطى حبهان 5 فصوص وتحطى زبدة وتحطية الحلة فى الديك وتلوحية مع الزبدة والحبهان وبعدين تحطى مية علية ودة شكلة
دى صورة للديك قبل مااحط الشوربة
ودة وهو متغطس فى الشوربة
وتغطية وتسبية ساعتين لغاية لما يستوى
تعالو نروع بقة نعمل المحشى دى الخلطة
4 بصلات كبار تبشريهم ويضعو على النار مع شوية زيت لغاية لما يبقو لونهم ذهبى وبعد كدة يضاف اليهم صلصة الطماطم ثم يضاف اليهم الخضرة ويرفع من على النار وبعد كدة نغسل الارز ونضعة على الخليط ويضاف اليها البهارات والكمون والفلفل كدة
وتحشى ودى الكوسة بعد مااتقورت
ودى بعد مااتحشت
والكرنب طبعا نسلقة ونقطعة زى كدة
معلشى مصورتوش بعد ماتحشا
ودة الورق العنب بعد مااتحشا بالخلطة
ودة الكرنب بعد مااستوا
ودة الورق عنب بعد مااستوا
مصورتش الكوسة بعد مااستوت معلشى
ونروح للديك الرومى الى سبناة طبعا بعد ساعتين يكون استوى
وبعدين بيتشال ويتحمر فى الفرن ودى صورتة
يلا ياعساسيل وكدة خلصت موضوعى ودى عمايل مامتى ومن مطبخنا ارجو التقيم لانى بجد تعبت فى التصوير والتنزيل ولكم فارجو الرد والتقيم
فى امان الله مواضيع هذا القسم برعاية
احب جنة الله احب جنة الله 474126_31.gif سوبر فتكات Fatakat 474126 الطائف – السعودية