ازيكو يحبايبي انا شفت طرق كتير للمندي علي فتكات وحبيت اجربه بس اضفت من عندي اضافه اكلتها في مطعم حضر موت قبل كده كان عامل الرز مع البسلة بتاعه المندي وكانت جنان وحبيتها اوي فطبقت طريقه الفتوكات في المندي بس مع اضافه البسلة
المكونات
فرخة
بهارات
كركم وملح
فلفل اسود 3 فصوص حبهان وبصله
كل الحاجات دي فرمتها فالكبه وتبلت بيها الفرخة وحطيتها علي جنب ساعتين
لعمل الارز
نص كيلو ارز بسمتي
نص كيلو بسله
2 بصلة متقطعه جوانح
نص راس ثوم مفروم
كركم بهارات فلفل اسود
بدبل البصل مع الثوم علي النار مع معلقة زبدة بس لحد ما لونهم يتغير بس محمرهمش واوعي يتحرقو منك
واكون حاطه عليهم البهارات والفلفل والحبهان والكركم وانزل عليهم بالبسله بس اكون سلقاها نص سلقه بكوب ماء علي النار
وكمان الارز البسمتي نقعاه في مياه دافئة 10 دقايق واضيف الارز والبسلة للبصل واقلبهم واضع مقدار المياة عليهم كل كوب ارز عليه كوب ونص مايه
واغلف الصينيه بالفويل وبعدين اخرم الفويل بالسكين والصور هتوضح
واضع عليه الفرخه بعد كده واغطيها بالفويل بعد كدة واضعها بالفرن وبعد ساعة ارفع الفويل اللي لي الفرخة فقط واحمرها تحت الشواية
وفي ناس بتحب تحط فاحمة مولعة في زيت علي الارز يدي نكهة بس انا ملحقتش اعمل كدة اصلنا موتنا من الجوع اسبكم مع الصور بقه
شفتو اللوز اللي فالصور بعد الغرف حطيته علي الوجه سامحوني معرفتش اصور شكل الاكل في التقديم لان جوزي وابني كان فاضل شوية ويشدو شعرهم من الجوع
يارب ييكون الطريقة عجبتكم وتجربوها مواضيع هذا القسم برعاية
ام سهيل ام سهيل 61089_4.gif فتكات متميزة Fatakat 61089 القاهرة – مصر