يارب لك الحمد كما ينبغى لجلال وجهك وعظيم سلطانك
ازيكم يا احلى صحبة دنيا ودين
بعد تثبيت بعض مواضيعى وتميزها بتشجع وانزل اى حاجة بعملها
لان هدف المدونة الكل يستفيد
هنعمل النهاردة طبق سهل وسريع ومغذى وتغيييييير ايوة كل ده ههههههههه
وممكن تعملى اللحمة او سمان او حمام بنفس الطريقة
يخنى عجب ههههههههههههههههههه
وقولولى تقييييييييييييمك يا فتوكة
وده شكل طبق اليخنى السريييييييع اللذييييييييذ
دى تشكيلة الخضراوات والبصل او المكونات كلها
كوسة+بطاطس+جزر+فلفل الوان او اللى عندك او اى خضار مش هتقول لا
+او ممكن فاصوليا وبسلة اى حاجة
بصل وثوم ومكعبات الطماطم او معجون مش هتقول لا برضه ههههههههه
هتكونى منضفة الفراخ بالملح والدقيق او زى ما بتعملى وتقطعيها الفرخة 8 قطع عشان تتشرب وتاخد طعم التشويح وترشيها توابل من بتاعتك
وملح
هتحضرى اناء بغطاء او حلة وملعقة زبدة او سمن مع زيت
هتشوحى الفراخ بحيث تتحمر كويس على الجانبين مع تغطية الاناء او الحلة
والخطوة دى هى اللى هتخلى طعمها تحفة وكمان هتستوى معاك بسرعة عن تجربة
لما توصلى للون ده لانك مش هتحتاجى تحطيها فى الفرن وتنشليها فى طبق على جنب
فى نفس الاناء او الحلة هتضيفى البصل المقطع شرائح او جوانح زى ما انتى عايزة
ويقلب قليلا حتى يذبل فقط مع اضافة الثوم المهروس او شرائح حسب رغبتك
هتضيفى الفراخ المشوحة عليها والفلف الاخضر او حامى حسب رغبتك
هتضيفى مكعبات الطماطم او ممكن مبشورة يدوى مع تقليبة خفيفة
هتضيفى الجزر عشان بياخد وقت شوية وتقلبى خفيف
هتضيفى كوب ونص مية وملح وفلفل اسود مطحون وزعتر مجفف او اخضر فريش وتستوى ربع اوتلت ساعة
خلاص المية قلت واتسبكت مع بعضها زى الصورة
هتضيفى باقى الخضار الكوسة والبطاطس وتستوى بسرعة
بعد التسوية هتغرفيها ساخنة وتقدم مع ارز بالشعيرية أو ارز بسمتى
وبألف هنا ليكم يا فتوكات
كدةخلالالالالاص الطبق
قولولى رايكم ايييييييييية يستاهل ولا لا
اوعى تنسى التقييييييييييييييييييييييم يا فتوكة لاحسن
سبحانك اللهم وبحمدك اشهد ان لا اله الا انت
استغفرك واتوب اليك
مواضيع هذا القسم برعاية
رؤانى حبيبتى رؤانى حبيبتى 552679_5.gif فتكات رائعة Fatakat 552679 اللى ربنا ييسره لينا – مصر