المقلوبة (صنع إيدي و حيات عيني)فكرة عن هذا الصنف:
تاريخ المقلوبه: أكلة المقلوبه معروفة في فلسطين منذ زمن بعيد، حيث أنها كانمت تسمى (الباذنجانية) نسبة إلى الباذنجان ، وهو المكون الأساسي فيها ، إلى أن جاء يوم فتح مدينة القدس على يد القائد (صلاح الدين الأيوبي) ودخوله وجنوده المدينة المقدسة، واحتفالاً بهذا النصر والفتح، قام أهل مدينة القدس بتقديم الطعام إلى صلاح الدين وجنوده كعادة المسلمين في هذه المناسبات، وعندما أكل صلاح الدين من أكلة (الباذنجانية)، اعجبته كثيراً ،فسأل عن اسم هذه الأكلةواصفاً إياها بـ (الأكلة المقلوبة)، حيث كان من العادة أن تقلب في أواني التقديم (الصواني)أمام الضيف، فقيل له أنها تسمى الباذنجانية، ومن هنا جاء تسميتها (المقلوبة) كما أطلق عليها القائد صلاح الدين الأيوبي
المعلومات الغذائية عن هذا الصنف:
تحتوي وجبة المقلوبة (350غ تقريباً) بحسب موقع شهية، على المعلومات الغذائية التالية:السعرات الحرارية: 640 الدهون: 29 الدهون المشبعة: 11 الكوليسترول: 108 الكاربوهيدرات: 55 البروتينات: 39 مع العلم أن هذه الوصفة تحتوي على اللوز والصنوبر المحمّر
المقادير:
– دجاجة مقطعة لست أو 4 قطع (أو قطع من الدجاج حسب الرغبة و عدد أفراد الاسرة)
– 4 كاسات أرز حبة طويلة (أنا شخصيا هاي المرة استخدمت رز مصري قصير و التنين طيبين بس بالرز الطويل رح تطلع حبة حبة)(انا حطيت صورة الكاسة (المغ) الى كايلت في … كاسة النسكافيه)
– بصلة مفرومة (معلش نسيت أصورها)
– البهارات: ملعقة صغيرة فلفل أسود- نصف ملعقة صغيرة زنجبيل مطحون – ملعقة صغيرة قرفة – ملعقة كبيرة ملح (أو حسب الرغبة) مكعبين ماجي دجاج – جوز الطيب مطحون رشتين
– 3 حبات باذنجان (في ناس بيعملوها بالبطاطا أو الزهرة بس انا شخصيا بحسها أطيب شي بالباذنجان لأن بتكون أطرى)
الطريقة:
حطي قطع الدجاج في طنجرة و ضعيها على النار و قلبيها من وقت لآخر حتى يبيض لون الدجاج متل ما باين في الصورة (طبعا قلبيها على الناشف من دون أي شي لا زبدة و لا زيت)
بعدين بنضيف عليها ماء لغاية ما تتغطى قطع الدجاج متل ما واضح بالصورة و نغطي الطنجرة و نخليها على نار عالية لغاية ما يغلي أول غلوة ووقتها بنشيل الريم الى بيطلع على الوجه بالمعلقة
بعدين بنحط الملح و الفلفل الاسود على البصلة المفرومة و نخلطهم
و نحطهم على شوربة الدجاج و نحرك و نغطي الطنجرة مرة تانية و نستنى لما تغلي مرة تانية ولما يغلي نحط باقي البهارات و الماجي و نحرك و نغطي الطنجرة و نخليه يغلي فترة على النار (لو بلش يفور خخفي عليه شوي)
بعدين إنشلي قطع الدجاج و حطيهم في صحن على جنب و نصفي الشوربة
بعدين قشري الباذنجان و قطعيهم شرايح متوسطة الحجم و اقليهم و اقلي قطع الدجاج (و انتبهي على ايديك و انت بتقلي الدجاج لأنو بطرطش)
بعدين رصي قطع الدجاج في قاع الطنجرة و احرصي انو يغطي كل قاع الطنجرة و فوقها رصي الباذنجان
بعدين حطي الارز (طبعا بعد ما تغسلي مش ضروري تنقعيه المهم تغسليييييييييييه) و حطي ملعقة صغيرة كركم عشان يعطيها اللون الاصفر المشهورة فيه المقلوبة و حطي ملح حسب الرغبة
بعدييييييييييين صبي عليه مرق الدجاج المصفى شوي شوي و حطي الطنجرة على نار عالية
و غطي الطنجرة و اول ما تغلي وطي النار تحتها و هييييييييييييييييييك لحتى تستوي, ولما تستوي حطي على فتحة الطنجرة صينية و اقلبي الطنجرة برفق اضربي عليها شوي من فوق و ارفعي الطنجرة و رح تطلع أحلى مقلوبة .. اعملي معها سلطة أو زبادي و الف صحة و هنا
مواضيع هذا القسم برعاية
roro-i roro-i فتكات رائعة Fatakat 662329 طرابلس – ليبيا