ازيكم ياحبايبى .. اسأل الله ان يصلح حال بلدنا ويكفينا شر الفتن ماظهر منها ومابطن
حبيت ابدأ موضوعى بالدعاء .. ارجوكم امنو ورايا
ندخل على موضوعنا .. النهاردة هقدملكم فراخى المشوية على الفحم
فرخة حجم متوسط .. انا هنا كنت عاملة فرختين
والراجل قسملى الفرخة على نصين وخلهالى .. ودى بتساعد على تسوية الفراخ بسرعة
علبة زبادى _ بهارات وتوابل من كل نوع _ انا حطيت فلفل اسود _ وحبهان وورق لورى وخولنجان _ وكسبرة ناشفه
ومعلقتين صلصة _ وليمونة _ وبصلاية كبيرة وكام فص توم _ وقرن فلفل حامى او بارد_ ونحط معاهم شوية زيت حوالى 3 معالق كبار
هنا انا ضربت البصلاية ومعاها التوم والفلفل
ودى شكل الخلطة بتاعنا اللى هنتبل بيها الفراخ
ودى الفراخ بعد ماتبلتها .. وطبعا كلكم عارفين ان كل ما التتبيله بتاعة الفراخ
تقعد بتبقى احلى واجمل .. والله يابنات التتبيلة دى طعمها روووعة .ز وهى نفس تتبيلة فراخ تكا على فكرة
ودى الشواية بتاعتى ها اية رايكم فيها .. على فكرة انا عندى شواية
كينود الكهربائية .. ومش حلوة خالص بفضل دى طبعا .. وانا عاملة موضوع عن تجربتى
مع الشواية الكهربائية كينود .. طبعا بنجيب فحم مخصص للشوى .. وبنولع كام فحماية على النار
وبنحطها وسط الفحم .. وهوى عليها والفحم كله هيولع ان شاء الله
بنرص الفراخ بتاعتنا فى الشبكة وبنحطها على الشواية
انا هنا بشوى قدام باب الشقة بتاعتى .. وجوزى وابنى هما اللى بيشو
مقولكوش على الريحة امممممممممممممم
ودى بنريح الفراخ شوية من التعذيب على الفحم
وادى الشكل النهائى للفراخ بعد ماعذبناها قصدى بعد ماشويناها
وهنا قدمت معاها بطاطس فى الفرن .. ورز بشعيرية وسلطة خضرا
وبكدة موضوعى خلص .. ارجو منكم تقدير تعبى فى تصوير وتحميل الموضوع
دعوة منكم ترضينى .. ادعولى ان ربنا يرزقنى حسن الختام .. وان عجبكم موضوعى قيمونى
استودعكم الله الذى لاتضيع ودائعة فى الأرض ولا فى السماء
مواضيع هذا القسم برعاية
nor eleyman nor eleyman 202470_3.gif مفسرة الاحلام Fatakat 202470 ( عايشة فى بيتى مع جوزى وعيالى _ فى ارض الله الواسعة – مصر